كعادة الموقع الأزرق -منصة إكس- المعروفة سابقًا بـ تويتر، نشبت مشادة حامية بين النائب محمود بدر، عضو مجلس النواب، وعمر علاء مبارك، حفيد الرئيس الأسبق محمد حسني مبارك.
خناقة شوارع بين محمود بدر وحفيد مبارك
بداية الخناقة الطاحنة بين بدر وحفيد مبارك، عندما تهكم النائب محمود بدر على منشورات الأخير الداعمة لفترة حكم جده، قائلًا: «اللي بيعمله عمر ابن علاء مبارك ده مسموش نوستالجيا لأيام جده ولا حاجة لاأن عمر مواليد 200 يعني لما جده ساب الحكم في يناير كان لسه قالع البامبرز من شهرين تقريبا، لكن اللي بيعمله ده اسمه شماتة في أحوال بلده».
وأضاف محمود بدر: «مش هقول اسمه جهل ولا هفتح في حدوتة أن الجزء الأكبر من ازماتنا اننا بنفكك ميراث تقيل اوي وفساد شبكات بابا يعرفها كويس، لكن اللي لازم يعرفه ان الشماتة في البلد دي مش سياسة خالص ولا حتي شجاعة وكدة دي اسمها نقص تربية يا حبيبي، فعيب يا عمر كدة عيب يا حبيبي، اختشي وطالما بيتك من ازاز متحدفش علي الناس طوب يا حبيبي».
ولم يصمت عمر علاء مبارك على تغريدة محمود بدر، ليرد قائلًا: «على أخر الزمن محمود بانجو بيوجّهلي كلام».
ورد النائب محمود بدر، على حفيد مبارك مرة ثانية مستعينًا بقصيدة لـ الشاعر جمال بخيت: «الواد كبر واياك يا شعب تزهقوه أو تقرفوه وتطلعوله من النكت زى اللى طلعت عن أبوه اسمع يا واد إياك تصدق إن فيه حاجة اسمها حب الوطن العرش أكبر م اليقين العرش .. دين العرش هو اللى جعلّك مخلصين بيوحدوك».