قال مطرب المهرجانات حمو بيكا، أن شروط نقابة المهن الموسيقية لاعتماد المطربين باطلة، مشيرًا إلى أنه لا يعمل بمفرده.
حمو بيكا في ضيافة برنامج مصر جديدة
وذكر حمو بيكا خلال لقائه ببرنامج مصر جديدة، الذي تقدمه الإعلامية إنجي أنور، والمذاع عبر فضائية ” ETC” قائلًا: شروط نقابة الموسيقيين لاعتماد المغنيين باطلة، لأنك لما تدي بتوع مطربين المهرجانات في مصر كلها كارنيهات وتيجي تقولي أنت مابتعرفش تغني.
وأضاف: يعني إيه فرقة صواريخ والمدفعجية وشحتة كاريكا وأوكا وأورتيجا وويجز وعلي قدورة والفيل وعنبة وموزة معاهم كارنيهات وأنا لا، واتصلت بأستاذ حمادة أبو اليزيد وأستاذ أحمد رمضان قولتلهم أنتوا بتفتروا عليا والرد يقولولي بص أنت بتتكلم إزاي.
وأردف حمو بيكا: أنا مش بطولي أنا ورايا ناس، عندي مرتبات لناس كل شهر بـ100 ألف جنيه، لو لوحدي أنا هعيش سلطان زماني.