أكد مطرب المهرجانات الشعبي حمو بيكا انه يربح 90 ألف جنيه في الشهر من فيديوهاته بـ”اليوتيوب”
وكشف عن طبيعه مرضه الذي أعلنه اليوم عبر فيديو تم بثه على مواقع التواصل الاجتماعي قائلاً: “أنا عيان جداً وبعاني من ميكروب إسمه “كرونز” يتسبب في تأكل جدار المعدة و المرض ده بيجي من الزعل”.
وعلق في مداخلة تليفونية مع الإعلامية لميس الحديدي على شاشة العربية “الحدث” عبر برنامج “القاهرة الان” على قرار الموسيقيين بإيقاف أغاني المهرجانات وتعميم المنشور على شرطة السياحة اليوم قائلاً: “مش مبسوط وأغاني المهرجات لايمكن منعها لانه فن فرضه الشارع وحبوه”.
وتابع: “دي مزيكا الناس حبتها متسائلاً “ليه مابتمنعوش حفلات النايتات والكباريهات؟، معقولة مهرجانتانا هي الي عملت كل ده في المجتمع؟ وفيه تجاوزات كثيرة داخل الكباريهات، مشيراً أنه حاول التوجه للنقابة برفقة زملائه لكن هما رافضين ده تماماً وشايفين أن ده مش فن ومش معترفين بيه”.
وأردف: “أنا زعلان من حسن شاكوش لانه ماوفقش معانا رغم أنو لسه جديد في مجال المهرجانات وعشان مانضحكش على نفسنا النقابة عاوزة تمحي فن المهرجانات ولو منعونا من الشارع مش هيقدروا يمنعوا السميعة”.
وتابع: “كفاية أننا بنمشي في الشارع مش عارفين نتحرك من الناس الي ملمومة حوالينا وقال أنا باخد أرباح 90 ألف جنيه في الشهر بس ومافيش حاجه إسمها ملايين وبندفع ضرايب ولو بيجيب ملايين مكناش نزلنا نشتغل في الشارع”.