صرح الموسيقار حلمي بكر، بأن طليقته تمنعه عن رؤية ابنته الصغيرة ريهام، مؤكدًا على أنها تدبر دائمًا الحجج والأعذار لتمنعه عن ابنته.
وقال “بكر” خلال لقاءه مع الإعلامية راغدة شلهوب، ببرنامجها “نص الكلام”، المذاع عبر قناة النهار: “انا عملت الي عليا، وربنا يشهد، ودايما بدعي في صلاتي ان بنتي متتأثرش بالمشاكل ومتفهمنيش غلط”.
وأضاف: “طليقتي بتخفي البنت عني، وبتصل كتير متردش، واروح اقدام البيت كتير وتقولي احنا بره، لدرجة ان بنتي علقت على ده، وسألتني يا بابي انت مش عاوز تشوفني”.
وتابع: “بنتي ديه حياتي وعمري”.
وأردف:”اذا كان الطرف الآخر عاوز يدمر علاقتي بيها هو الي هيجني حق ده، لأني عمر ما قولت كلمة وحشة في حق أمها، ولكن هي ملت راس البت بكلام مش حقيقي، لدرجة ان بنتي من 3 أيام بتقولي ليه يا بابي بتكذب”.
حلمي بكر: نفسي بنتي تبات معايا يوم واحد بس
وأضاف: “لدرجة أن بنتي كانت بتقدم في مدرسة خاصة، وقالتلها خلي بالك يا ريهام لو قرأتي قرآن سنانك هتقع، فالبنت قالت الجملة ديه وهما بيختبروها في المدرسة”
وتابع: “طب ليه، أنا ينفع أقول لبنتبي كده، ده أنا عمري ما بطلت صلاة من سنين، وبقرأ قرآن طول ما أنا قاعد”.
واختتم: “لذلك انا اعتمدت على القضاء”.