كشف الموسيقار حلمي بكر، عن سبب لجوئه إلى القضاء لرؤية ابنته، موضحًا أنه يرغب في أن المكوث مع ابنته فترة أطول بدلًا من رؤيتها ساعة فقط كل بضعة أيام.
وذكر حلمي خلال حواره مع الإعلامية راغدة شلهوب، ببرنامج “نص الكلام”: “انا نفسي بنتي تيجي تبات معايا في يوم، مش معناه أني ضد أمها، مع أني قولت لطليقتي أكتر من مرة مدخليش البنت في الي بيني وبينك، وخليها فاهمة أن علاقتنا كويسة”.
وأضاف: “لدرجة أن بنتي كانت بتقدم في مدرسة خاصة، وقالتلها خلي بالك يا ريهام لو قرأتي قرآن سنانك هتقع، فالبنت قالت الجملة ديه وهما بيختبروها في المدرسة”
وتابع: “طب ليه، أنا ينفع أقول لبنتبي كده، ده أنا عمري ما بطلت صلاة من سنين، وبقرأ قرآن طول ما أنا قاعد”.
واختتم: “لذلك انا اعتمدت على القضاء”.
حلمي بكر: أخر مرة شوفت بنتي من شهر.. وكانت مقابلة على الماشي
واستطرد: “أخر مرة شوفتها كان من شهر، وكان على الماشي، ومقعدتش معها”.
وأضاف: “ووقتها عرضت عليا أنها تيجي تبات معايا، لكن لما بصت لماماتها ولقتها بتبرق كده بعينها خافت”.