أحيل بلاغ تقدم به الفنان مصطفى كامل، نقيب المهن الموسيقية، ضد سماح القرشي أرملة الموسيقار الراحل حلمي بكر يتهمها فيه بالسب والقذف للتحقيق.
كان مصطفى كامل تقدم ببلاغ ضد سماح القرشي، أرملة حلمي بكر، في قسم شرطة العجوزة، يتهمها فيه بالسب والقذف.
وفي وقت سابق، حل الفنان مصطفى كامل ضيفًا على برنامج العرافة والذي تقدمه الإعلامية بسمة وهبة على شاشة قنوات المحور والنهار، عقب أذان المغرب مباشرةً، حيث تحدث خلال الحلقة عن العديد من الأشياء والأسرار الخاصة بوفاة حلمي بكر وعلاقته بنجله هشام.
وأنهار مصطفى كامل من البكاء وقال: «أنا كنت بحب راجل هو بيحبني، ومن فترة كبيرة قولت عندي بيتي وولادي وسمعتي أهم فمش هتدخل في حاجة تخص حلمي بكر لحد ما نادية مصطفى بعتتلي رسائل صوتيه مكانها الوحيد القانون، حاجات فوق ما عقلك تتخيل إلحقي حلمي بكر، كان بيتهاون في حق نفسه وبيطلبني أتدخل وبعدها يتهاون وهكذا وأنا تعبت».
مصطفى كامل: كنت بصحى على رسائل الحقوا حلمي بكر
وأضاف مصطفى كامل: أنا كنت بفترج زيي زيكم وبيجيلي رسايل الحقوا أستاذ حلمي وسألت ابنه هنا قالوا أها ومسألش عن أبوه وقالولي عايز يكلمني قولتلهم يكلمني ليه الراجل بينتهي، قولتلها ليه يا نادية عايزة تدمري حياتي وحياة ولادي وهو بعتلي رسالة انه عايز يتواصل معايا قولتله اي المطلوب مني انت كنت موجود في مصر مسألتش على بابا ليه، وأنا مكلمتش مرتضى منصور لكن بعت رقمه لابنه، أنا شبعت من حوار حلمي بكر وتعبت منه وأنا مش صغير ، هو كان كل اللي فارق معاه بنته بنته كانت نقطة ضعفه وهو اتلاعب بيها، وكان لا يقبل من أي حد إنه يتكلم عنها، هي كانت هدف إنه يعيشه.
وأختتم نقيب الموسقيين: «ابن حلمي بكر كلمني وقالي أنا سمعت إن مراته هتدخله المستشفى قولتله أوعا تتمنى إن ده يحصل قبل ما انت تيجي، وجالي خبر وفاة حلمي بكر وأنا في فرح ابن محمد فؤاد وحصلي حالة انهيار وهو عشان كدة مش بيكلمني عشان حضرتك فرح ابني مش ابن صحبي بقى».