أعرب الفنان القدير حسين أبو حجاج عن استيائه الشديد، بسبب عدم مراعاة نقابة المهن التمثيلية له، مؤكدًا إلى أنه حتى بعد قرار اعتزاله لم يسأل أحدًا عليه.
وقال حسين أبو حجاج في تصريح خاص لـ«أوان مصر»: قرار اعتزالي الفن لا رجعة فيه ولكن انا مكمل مع أحمد مكي في الجزء السابع من مسلسل الكبير أوي، ومفيش حد من النقابة بيسأل عليا، حتى بعد قرار اعتزالي.
حسين أبو حجاج: هنيدي رفض العمل معي بعد «لؤي»
من جانبه كان قد أوضح الفنان حسين أبو حجاج، أنه على خلاف مع الفنان محمد هنيدي، بسبب رفضه للعمل معه بعد مشاركته في فيلم “صعيدي في الجامعة الأمريكية”.
وقال “أبو حجاج”، خلال لقاءه في برنامج “مصر الجديدة”: “بعد حوالي أربع أو خمس سنين من فيلم صعيدي في الجماعة الأمريكية كان الاستاذ محمد هنيدي بيعمل مسرحية “تراقيعوا”، فروحت سلمت عليه وبقولو انت نستني وسألته هنشتغل تاني مع بعض، قالي بص لو الناس نسيت لؤي يبقى ينفع نشتغل مع بعض تاني”.
وأضاف حسين أبو حجاج: “فأنا لقيت ان المنطق بتاعه غريب، ده الناس لما بتلاقي واحد ركزوا معاه وحبوه، المخرجين والنجوم بيجبوه، وزعلت جدًا وقتها من هنيدي”.
وتابع: “وبعد 15 سنة لما قالولي ان هنيدي طلبك بالاسم وعاوزك معاه في “مسلسليكو” حاولت اطفشهم، وطلبت وقتها طلبات اكتر من اللازم، لكن الغريب انه وافقوا عليها، واضطريت اوافق”.