بعد تصريحات الفنان حسن يوسف
أن رمضان مش للمسلسلات
و أنه شهر قراءة القرآن و الصوم
الفنانة سميرة أحمد ترد على تصريحاته
“طلما رمضان للعبادة بتصور ليه مسلسل رمضاني”
ايه الحكاية؟
من كام يوم حصل جدل كبير
في الوسط الفني
بعد إنتشار تصريحات للفنان حسن يوسف
و هو بينتقد الكم الكبير من المسلسلات
اللي بيتم عرضها في شهر رمضان
و إن الشهر ده المفروض أنه يكون
شهر العبادة بس مش أكتر
و كتير من النجوم عارضوا الكلام
و شافوا أن العبادة ملهاش علاقة بالصوم و قراءة القرآن
و كان من أولهم الفنانة سميرة أحمد
اللي خرجت في تصريحات صحفية
و قالت: طول عمرنا واحنا بنستنى رمضان
عشان المسلسلات الجديدة
اشمعنى دلوقتي بيقولوا الكلام ده
و إيه علاقة مشاهدة المسلسلات بعبادة ربنا
و طلما ده رأي حسن يوسف
ليه بيصور دلوقتي مسلسل هيتعرض في رمضان
عمر المسلسلات ما كانت تضييع للوقت
بالعكس ده فيه أعمال بتحتوي على رسايل مهمة
زي مسلسل الاختيار
و بعد انتشار تصريحات الفنانة سميرة أحمد
انقسم الجمهور ما بين مؤيد ومعارض
و جت تعليقات الجمهور زي
هو شهر العبادة فعلاً مش شهر المشاهد الخارجة
ليكي حق يا فنانة
و تساءل الكتير من الجمهور
عن مسلسل الفنان حسن يوسف الجديد
فـ بعد غياب دام 3 سنين
تعاقد الفنان حسن يوسف
على بطولة مسلسل بيت السيدة
ويشاركه في البطولة الفنانة عفاف شعيب
و ده اللقاء التاني لهما بعد مسلسل إمام الدعاة
من أكتر من 20 سنة تقريباً