حل مؤدي المهرجانات الفنان حسن شاكوش، اليوم ضيفًا ببرنامج «العرافة»، والذي تقدمه الإعلامية بسمة وهبة، و المذاع على قناة «المحور».
و دافع عن زوجته بعدما سجدت لله شكرا في حفل زفافهما، موضحًا: «ريم مسجدتش ليا، بس هي سجدت شكر لله، و أنا مكنتش أعرف أنها هتعمل كدة، و مكنتش موجود في القاعة هي نزلت قبلي تتصور في القاعة لوحدها، ولما دخلت لقيتها بتسجد».
و أستكمل شاكوش حديثه قائلًا: «محدش عارف اللي بينها وبين ربنا وكانت بتدعي بتقول ايه، ممكن تكون بتسجد إن ربنا عوضها بحد هي شايفاه إن ده الإنسان اللي كانت عاوزاه وبتتمناه من ربنا».
وتابع شاكوش: «مراتي مبتسبش فرض، و أقسم بالله العظيم، أنا معرفش أي حاجة، و لا اتفقت معاها، و مكنتش أعرف أن سجدتها لربنا و هي بتشكره، هتعمل كل ده، و أنا لما لقيتها بتسجدت فرحت، و حسيت أنها فرحانة جدًا، وفرحت لفرحتها، و مافيش بين الرجل ومراته حاجة اسمها كرامة».