كشف الفنان حسام حبيب عن سبب حلق شعرها، معلقاً: “هي اللي حلقت شعرها، وأول ما شفتها انهرت وعيطت، وكانت أول مرة أقولها هطلقك”، وذلك خلال مداخلة هاتفية مع الإعلامي عمرو أديب في برنامجه الحكاية اليوم، الذي يتم عرضه على شاشة قناة mbc مصر.
وتابع حسام حبيب: “أنا لما اتجوزت شيرين شهرتي زادت، ولو أنا بفكر في الفلوس كنت عملت أغنية كل شهر على الأقل، ولما سألت شيرين حلقتي شعرك ليه، قالتلي: عشان كل لما أبص في المراية أقول علاقتي بحسام انتهت”.
وأضاف حسام:” إحنا اتطلقنا عشان أنا كانت مصمم إن كل المحيطين من شيرين مينفعوش يكونوا في حياتها، ومينفعش أبقى محاط بكل الناس السيئة دي، وبعدها بشوية اتصالحنا ورجعنا كأزواج ومحدش كان عارف غير أهلنا، ونفس المشاكل رجعت تاني زي ما هي،الطلاق حصل بورق والرجوع مكانش على ورق”.