في واقعة غريبة شهدها مطعم كشري في محافظة سوهاج حيث تفاجيء الزبائن بموظف الكاشير يتلقى طلباتهم وهو جالس في سيارة ملاكي متكيء على الكرسي.
ويقول أحد الزبائن عبر صفحته على الفيسبوك: إمبارح كشري التحرير المحترم رايح اجيب علبه كشري زيي زي أي حد ، المهم الكاشير كان قاعد ف عربيه قدام المطعم و انا داخل المحل ف العادي يقوم ينده عليا خد يا برنس ، خد يا استاذ انا عامل نفسي مش سامع لأن اكيد الكلام مش هيكون عليا ، قام معلي صوته خد يا باشاااا ببصله كده لقيته قاعد ف العربيه و مرجع الكرسي لورا و واخد راحته خالص ، بقوله هو الكاشير بقي في العربيه دلوقتي ، قالي اه الكاشير بقي ف العربيه عاوز ايه انت !
وأضاف: سبته و مشيت طبعاً انا مش فاهم هو ليه سايب الكاشير و قاعد ف العربيه بره ينده ع الناس اللي داخله، طيب لو واحده ست مثلاً او اختي او اختك هتكلمها من العربيه برضو !
وتابع: هفضل طول عمري أقولها و الله سوهاج ما فيها مطاعم ولا جودة أكل ولا حتى الخدمة الطبيعية.
وأتم: فيما ابدى المتابعين استيائهم الشديد من ذلك الامر مطالبين إدارة فرع المطعم بالتحقيق في ذلك الآمر.