عثر شاب صعيدي من قرية أولاد خلف بمحافظة سوهاج، يقيم في دولة الكويت على حقيبة بها عملات مختلفة تصل لحوالي 2 مليون جنيه ليقوم بإعادتها لأصاحبها الأصلي وهو شاب سوري الجنسية مقيم بالكويت.
وروى ابن الصعيد قصة عثوره على حقيبة السوري، قائلًا: «كنت نازل اشتري بعض الأغراض، ولقيت الشنطة على الرصيف مرمية، مسكت الشنطة، ولقيت الحبل بتاع الشنطة مقطوع، تقريبا وقعت منه وماحستش بيها».
وأضاف الشاب: «فتحت الشنطة ولقيت فيها أي فون، ولقيت فلوس بعملة اليورو، وكانت كتير ماعدتهاش، وكان فيه دينارات وريالات، وروحت محل تليفونات لواحد قريبي جنبي في الصيدلية (انا شغال كاشير هنا) وطلبت من صاحب المحل اننا نفتح التليفون، علشان نشوف أي رقم فيه».
واستكمل حديثه: «واحنا بنتناقش إزاي نفتحه، رن صاحب الشنطة، وكلمته وقالى غربتي وشقايا وكل ما املك في الشنطة اللى معاك دي، قلت له كل اللى في الشنطة موجود وفي رقبتي، ماتقلقشي من أي شي، والمبلغ اللي كان في الشنطه يوازي 2 مليون جنيه مصري تقريبا – فلوس كتير وده شقاه”.
وأشار إلى أن صاحب الشنطة طلب اللوكيشن الخاص به للوصول إليه، متابعًا: «وفي أقل من خمس دقائق، وصل هو وأهله بالسيارة، واتشكر وباس راسي، ولم يكن يتوقع أبدا إن الفلوس دي ترجع تاني، قلت ليه إحنا صعايدة وولاد ناس ومتربيين، ومانقبلشي على نفسنا أي حاجه حرام، وأنا خريج دراسات إسلامية جامعة الأزهر، وماينفعشي أقبل على نفسي ولا على أهلي حاجه حرام، احنا الحمد لله عايشين في الحلال، ودي تربية أبونا لينا كلنا أنا وأخواتي».
#خاص_ترند | شاب مصري يعيد حقيبة لسوري بها مبلغ مالي كبير “يورو – دينار- ريال سعودي” pic.twitter.com/25OrqIq6rm
— ترند (@Trendntwork_kw) April 30, 2024