وجهت الإعلامية ياسمين عز رسالة دعم إلى منتخب المغرب في مباراته أمام فرنسا في نصف نهائي كأس العالم 2022.
ونشرت عبر حسابها بـ فيسبوك صورة مرتدة قميص منتخب المغرب، معلقة: جيبوها يا لولاد .. ديما مغرب ومازال مازال.
وأثارت الإعلامية ياسمين عز الجدل كالعادة على مواقع التواصل الإجتماعي بتصريحاتها الخيرة في برنامجها كلام الناس، وتصدرت محركات البحث بعد هجومها على على مذيعة دون ذكر اسمها .
هاجمت ياسمين عز في برنامجها بالهجوم على إحدى المذيعات دون ذكر اسمها، وذلك بسبب حديثها عن كرامة المرأة بعد الزواج، قائلة: «الحمد لله ان ربنا شغلني بنفسي مش بغيري وده اللي مخليني مبسوطة، قالولنا زمان حكمة رائعة، يا محلي المبسوطة قدام المشعوطة.. المبسوطة كلنا عارفينها، والمشعوطة يعني متشعوطة كده لا على حامي ولا بارد، مفلفلة اللهم أحفظنا».
وأضافت: «وأنا لما أتكلم عن الكرامة بين الزوج والزوجة، هو أنتي زوجة؟ لما أتكلم عن الرجل والست، هل أنتي ست؟ هو أنتي ست من اللي أنا أقصدها، إطلاقًا خالص، فشوفي إذا انتي ممغوصة بنجاحنا خدي مسكن، وإذا انتي مشعوطة من كلامنا خدي مهدي»
وتابعت: « الهاجس اللي بيكون في حياة المريض اللي عنده تجربة فاشلة، فعايز يخلي كل الستات فاشلة زيه، فتتشعوط أوي من جملتي إن مفيش كرامة بين الزوجين، ومن كتر الشعوطة تاخد الجملة بتاعتي وتعمل حكايات وروايات ونعمل منها حلقات»، موجهة سؤال للمذيعة « ايه دخلك بالمتجوزين؟ ايه حشرك بين المتهنيين؟ ايه علاقتك بالحنية والبنات المتهنية، المنطقة دي محظورة ماتجيش هنا تاني، المنطقة دي كلها دلع حتى ستات متهنية، لو جيتي هنا تتحرقي ياماما».
واستكملت: «إذا انتي ممغوصة من حالك ومشعوطة إحنا مالنا، حاشرة نفسك معانا ليه؟ مركزة معانا ليه؟ كرامتنا وإحنا حرين فيها، إجوازنا واحنا حرين فيهم.. لو شطبتي أو خلصتي المحتوى دوري تاني، يمكن تلاقي عقدتين تجوزيهم لبعض يخلفوا عقدة صغيرة، تكملي بيها المحتوى وتخربي بيها البيوت العمرانة، دي مش مشكلتنا ولا محتوانا».
واختتمت كلامها قائلة: « لو ملقتيش من عندنا ماتنقشيش، من محتوانا ماتغشيش، وعلى شغل غيرك ماتشتغليش، وعن صوت الجهل وأنتي أهله ماتتكلميش، وفي الدين ماتفتيش وعن رضا الرجال ماتحلميش، وإذا قلتوا عن الرجل لا يجوز، يبقى علشان نرجع نغازل ونقول يجوز، عمومًا بشكل عام أي حاجة فيها جوز اطلعي منها»، خاتمة رسالتها التحذيرية « قلت لك قبل كدة من دق الباب لقى الجواب، وفي قانون بتاع نيوتن زمان كنا بندرسة بتاع الفعل ورد الفعل، بيقول لكل فعل رد فعل معاكس له في الاتجاه، مضاعف له في القوى، محذر له من الرجعة، وإن عدتم عدنا وإن قلتم قلنا».
توقع عدد كبير من الجمهور بأنها تقصد في هجوها الإعلامية رضوى الشربيني، حيث كانت قد استضافت الأخيرة في حلقة لها الدكتورة نيفين مختار، للتحدث عن كرامة المرأة بعد الزواج بناءًا ما يكفله لها الشرع،قائلة« عندنا مقولة آخرى لسيدة أخرى مش بتاعتي خالص، بتقول إن الست في الدين الإسلامي ليس لها كرامة بعد الزواج، تتجوز من هنا وتحط كرامتها في التلاجة، هل دا موجود في الدين الإسلامي.. الي بيقولوا الزوجة ملهاش كرامة ناس جهلة».