عبرت الفنانة جومانا مراد عن شدة سعادتها بحضورها مهرجان القاهرة للدراما في دورته الثانية، موضحة أنها معتادة على وجود مهرجانات سينمائية وليست درامية كما هو بمهرجان القاهرة للدراما.
وقالت جومانا خلال حوارها مع المذيعة بوسي شلبي في برنامج ليالي Ten على قناة Ten: الدراما شيء مهم جدًا وأنا ابتديت دراما وسعيدة بتواجدي بمهرجان الدراما وبقى فيه مهرجان للدراما ودايمًا متعودة على مهرجانات للسينما مش للدراما وبقول للناس لازم تيجو العلمين والساحل، وسعيدة بالحضور الكبير للفنانين والتنظيم في غاية الجمال، وسعيدة إن دكتور يحيى الفخراني رئيس المهرجان والحمد لله.
وتابعت جومانا: بقالي 16 أو 18 سنة بشارك في الدراما المصرية وليا تاريخ فيها، دايمًا بقول كلنا اتربينا على الدراما المصرية ودراما فارضة نفسها وبقوة وهي الأساسية اللي نشأنا عليها ومبسوطة بالتنوع والتطور اللي بيحصل فيها دلوقتي، وتقنية تصوير المسلسلات بقيت سينمائية واختلفت عن دراما زمان ويمكن بقى فيه جرأة في الطرح ومنصات ومحطات أكتر بتبسط بالنجاح ده وبكل ما فيه محطات ومنصات أكتر وتبقى الحركة الفنية كبيرة من كتاب وممثلين ده كله بيساهم في إثراء الدراما.
أعمال جومانا مراد القادمة
وأما عن أعمالها الجديدة، أردفت جومانا مراد: فيه حاجات كتير معروضة بس أنا في إجازة، ومستنية في شهر سبتمبر الحالي هينزل مسلسل بقالنا فترة عاملينه مفترق طرق، وهند صبري وإياد نصار وماجد المصري، وإن شاء الله يحقق نجاح كبير وهو النسخة العربية من المسلسل الأمريكي The Good wife.
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا