علقت الفنانة نشوى مصطفى، على خبر مشاركتها في مسلسل “غمبراطورية ميم”، في السباق الرمضاني المقبل، بعد غيابها عن موسم رمضان لفترة طويلة.
وقالت نشوى عبر حسابها الشخصي على فيسبوك، قائلة: “تحويشةالعشر سنين اللي فاتت، متحمسة جداً، لما كان يتعرض عليا دور مش حاساه كنت باعتذر وانا بتقطع بس كنت باقول حقى فى المرحلة دى واللي باقى من العمر انى استمتع وانا باعمل فن”.
وأضافت: “وايه متعة اكبر من أنى باذن الله اكون واحدة من فريق عمل عظيم وراقى، نص عظيم لاستاذ احسان عبد القدوس سيناريو وحوار دكتور محمد سليمان عبد المالك صاحب الاعمال المميزة، اخراج واعى جداً جداً وناجح فى كل اعماله باقتدار واسمه بانى ثقة بينه وبين جمهوره الاستاذ محمد سلامة، وانتاج لشركة اعمالها ترند شركة اروما، وخاااااااااااااااااالد النبوى اقصد الخالد النبوى خالد اسمه لازم يسبقه الف ولام”.
وأشارت نشوى: “بغض النظر عن حضوره اللي ربنا صارفهوله بزيادة هو كمان ممثل هاند ميد، ممثل يعلى اي ممثل يقف قدامه، ممثل هاوى بيذاكر وبيعيش وبيحس بمنتهى اجتهاد الممثل الهاوى وبمنتهى الاحترافية، يابختى حقيقى، بالمناسبة ده سادس عمل باذن الله امثل فيه مع خالد ( الشاطر يقول اسماء الاعمال اللي اشتغلت فيها مع خالد.. حاقول اسم العمل الاول وكنا لسه طلبة فى المعهد مسرحية البحر بيضحك ليه وللاسف متسجلتش )، كلى ثقة فى توفيق ربنا وكرمه باذن الله دعواتكم اكون عند حسن ظن حضراتكم”.