قام الفنان تامر فرج بنفي كل ما تداول في الساعات القليلة الماضية عن تعرضه لـ حادث سير مروع، وذلك من خلال منشورًا له عبر حسابه الشخصي على موقع تبادل الصور والفيديوهات القصيرة «إنستجرام».
حيث كتب تامر فرج، قائلًا: «فوجئت بتليفونات كتير وأنا قاعد على الكنبة قدام التلفزيون من أصدقاء بيتطمنوا عليا عشان المفروض أنا عملت حادثه مروعة وعربيتى اتدشدشت زى ما انتوا شايفين فى الصوره والخبر».
حقيقة تعرض تامر فرج لحادث سير
وأضاف: «فطبعا انا بصدق السوشال ميديا فنزلت جرى اتطمن على عربيتى المركونه قدام البيت اول حاجه، وبعد ما لقيتها بخير دخلت تانى اتطمن بعد كده على نفسى وسألت المدام قالتلى ان انا بخير، فبقيت مش عارف أصدق مراتى ولا أصدق السوشال ميديا؟؟؟».
وتابع: «ارجو تحرى الدقه، الموضوع ببساطه ان طريق الواحات كان زحمه قدام الكومباوند بتاعى وانا داخل من البوابه سياره اخرى حكت بسيارتى من الخلف، و الطبيعى نزلنا اتخانقنا شويه ثم كأجراء طبيعى عملنا محضر وانتهى بالتصالح».
واختتم تامر فرج حديثه بـ : «و كان معدى بالصدفه دكتور العلاج الطبيعى صديقى دكتور أمجد هزاع، وقف يحوش، أصبح هو الطبيب الشهير اللى انا بتخانق معاه كما يدعى الخبر.. لا مؤاخذه يا دكتور ادى عيب اللى يصاحب فنانين».