كشف الفنان تامر فرج، عن الكوارث التي تحدث له يوميًا بداية من الاعلان عن مشاركته في مسرحية “الحفيد”، بطولة النجمة لوسي، التي تعرض على المسرح القومي.
ونشر تامر مقطع فيديو، يرصد من خلاله تسريب التكييف في منزله، وجاء ذلك من خلال حسابه الرسمي بموقع التواصل الاجتماعي “فيسبوك”: “النهاردة الكارثة قالت تجود وتفاجئنى قبل ماننزل المسرح، التكييف بيسرب جوه البيت وبقيت الارضيات الخشب باظت، اعمل ايه يارب”.
وأضاف: “والله اللى باصص على انه المسرح القومى وهيبة وعظمة وكل الهيلمان ده احب اعرفكوا ان ده، مسرح دولة …. يعنى قطاع… عام…..، وما ادراكوا بمرتبات القطاع… العام، يعنى اللى بنخده باليمين … بنذود عليه علشان نصرف على المعيشة والمصايب اللى عمالة تقع على دماغنا من يوم الافتتاح”.
وتابع: “مع العلم اننا لسة ماخدناش ولا مليم ولا هناخد الا بعد مانعدى نص ليالى العرض فى السيزون، رحمتك …يارب”.
رغم النزيف.. تامر فرج يواصل بروفات مسرحية “الحفيد”.. وزوجته: حياة الممثلين عذاب
من ناحية أخرى، أكدت رانيا هشام، زوجة الفنان تامر فرج على أن حالته الصحية متدهورة، بعد خضوعه لعملية جراحية، مشيرة إلى انه بالرغم من جرحه الذي ينزف باستمرار إلا أنه يواصل بروفات مسرحية “الحفيد”، التي تعرض على المسرح القومي.
ونشر رانيا صورة للشاش الملطخ بدماء جرح زوجها، عبر حسابها الرسمي بموقع التواصل الاجتماعي “فيسبوك”، وكتبت: “ودى حاجة مكنتش احب انى اشيرها بس ده الشاش على ضهر #تامر_فرج على العملية اللى عملها والجرح ماقفلش وبينزف ولازم اغير قبل ماننزل دلوقتى واول ماروح وبين المشاهد فى تغير لبسه علشان الدم ميطبعش على اللبس، بس علشان تتاكدوا ان حياة الممثلين عذاب وتعب وممنوع الراحة لو فى شغل حتى وهو بينزف”.