كشف الفنان تامر حسني، حقيقة مشاركة الفنان بهاء سلطان له أغنية راجعلي ليه، مشيرًا إلى أنه حدثت بعض الظروف، وقام بتقليد صوت بهاء في الأغنية.
تامر حسني في ضيافة منى الشاذلي
وصرح تامر حسني خلال لقائه مع الاعلامية منى الشاذلي ببرنامج معكم الذي يعرض عبر قناة سي بي سي الفضائية في تمام الساعة 9 مساءً، قائلاً:انا اتفقت مع استاذ نصر محروس بعد أغنية قوم اقف وانت بتكلمني وكلمت بهاء قولتله تعالى نعمل مفاجأة لـ نصر محروس، ووحت استنيته في الاستوديو واتصل بيه مش بيرد المهم ان الاستاذ نصر محروس قاعد مستني.
وأضاف: في الاخر بهاء رد عليا قالي ايه يا تامر طب تمام وهو اصلا كان نايم المهم سجلت الأغنية الجزء بتاعي وسجلت الجزء بتاع بهاء بصوت بهاء واستاذ نصر محروس بيسمع سمع الجزء بتاعي تمام وبعدها سمع الجزء بتاع بهاء راح قايل معلم قولتله مين اللي معلم قالي بهاء قولتله ده انا بس والاغنية اتسربت بصوتي.
وأردف تامر حسني قائلاً: بهاء قعد يقولي الناس بتطلب مني الاغني وانا مش عارف هي فين ومين اللي بيغنيها ونزلت امته اصلا.
أوان مصر تنفرد بـ كواليس حلقة تامر حسني مع منى الشاذلي قبل عرضها
من جانبه كنا قد انفردنا بكواليس الحلقة، قبل عرضها، حيث كشفت مصدر مطلعة لـ أوان مصر عن كواليس الحلقة بعد ان أعلنت منى الشاذلي عن وجود العديد من المفاجئات، قائلاً: هيكشف انه بيعرف يقلد الاصوات .
وهيقول ان فيلم مش انا فيه مشهد اتكلم مكان سوسن بدر وقلد صوتها ومحدش خد باله ..في المشهد اللي تامر اتضرب فيه في الشارع ولما طلع لسوسن بدر ولاحظت انه اتضرب وقالتله فين جاكتك يا حسن .. دة كان صوت تامر مش سوسن بدر وقلد صوتها في المشهد .
وتابع: اما المرة التانية اللي قلد فيها تامر صوت حد .. كان في أغنية راجعين ليه اللي غناها المفروض مع بهاء سلطان :تامر حسني هيكشف ان الأغنية دي بصوته هو .. وهو اللي عامل صوت بهاء وصوته .. وان السبب في كدة ان بهاء سلطان اتاخر عليه يوم تسجيل الأغنية في الاستوديو فقرر يسجلها هو بصوته وبصوت بهاء سلطان وقلده وعجبت بهاء سلطان فعلا ونزلت.