وجه الفنان تامر حسني رسالة إلى الملحن عزيز الشافعي بعد نجاح أغنية “انتي صعبة”، لافتًا إلى أن الشافعي يتميز بالتميز في أعماله.
صرح خلال لقائه مع الاعلامية منى الشاذلي ببرنامج معكم الذي يعرض عبر قناة سي بي سي الفضائية في تمام الساعة 9 مساءً، قائلاً: “عزيز ملحن عنده وجهة نظر وشاعر عنده وجهة نظر وربنا يباركله وهو شاطر جدا وديما اغانيه مميزة وهو دايما مميز مع كل اللي بيشتغل معاه مش مع تامر حسني بس”.
أوان مصر تنفرد بـ كواليس حلقة تامر حسني مع منى الشاذلي قبل عرضها
من جانبه كنا قد انفردنا بكواليس الحلقة، قبل عرضها، حيث كشفت مصدر مطلعة لـ أوان مصر عن كواليس الحلقة بعد ان أعلنت منى الشاذلي عن وجود العديد من المفاجئات، قائلاً: هيكشف انه بيعرف يقلد الاصوات .
وهيقول ان فيلم مش انا فيه مشهد اتكلم مكان سوسن بدر وقلد صوتها ومحدش خد باله ..في المشهد اللي تامر اتضرب فيه في الشارع ولما طلع لسوسن بدر ولاحظت انه اتضرب وقالتله فين جاكتك يا حسن .. دة كان صوت تامر مش سوسن بدر وقلد صوتها في المشهد .
وتابع: اما المرة التانية اللي قلد فيها تامر صوت حد .. كان في أغنية راجعين ليه اللي غناها المفروض مع بهاء سلطان :تامر حسني هيكشف ان الأغنية دي بصوته هو .. وهو اللي عامل صوت بهاء وصوته .. وان السبب في كدة ان بهاء سلطان اتاخر عليه يوم تسجيل الأغنية في الاستوديو فقرر يسجلها هو بصوته وبصوت بهاء سلطان وقلده وعجبت بهاء سلطان فعلا ونزلت.