كشف السيناريست تامر حبيب عن رأيه في مسلسل كامل العدد +1، والذي عرض ضمن الأعمال الدرامية القصيرة في الموسم الرمضاني، وانتهى عرضه ليلة أمس، بعدما حقق نجاحًا كبيرًا على مواقع التواصل الاجتماعي، وتصدر محركات البحث لأكثر من مرة.
ونشر تامر حبيب منشور من خلال حسابه الرسمي بموقع التواصل الاجتماعي لتبادل الصور والفيديوهات «إنستجرام»، جاء فيه: «شهادتي مجروحه علشان كتاب هذا المسلسل هما بناتي، وصاحباتي وزميلاتي وفلذات أكبادي، رنا أبو الفريش ويسر طاهر، أنا شديد الفخر وشديد السعادة، انتم اختارتم من الجزء الأول ومع ىسبق الإصرار أنكم تعملوا الموضوع ده ، واختياركم كان ينم على منتهى الذكاء علشان اختارتم موضوع شبهكم، شخصيات من عوالمكم، وعلاققات عارفينها كويس، وقادرين تتكلموا لاعنها بتفاصيلها ومواقفها وصراعتها، وعملتوا كده تكتبوا مسلسل ممتع وشيق وحقيقي وطيب، وطيب نحط تحتها ميت سطر».
تامر حبيب يشيد بمسلسل كامل العدد +1
واستكمل: طيب وسط غابة مسلسلات من الدم والمغامرات والعلاقات المشوهة ىبين الحبايب والإخوات والأهل والصحاب والقرب والغرب، مسلسل طيب في دنيا كلنا واخدين على خاطرنا منها منها ومش مآمنين لها، ونجحتوا في ده جدا السنة اللي فاتت، ويمكن ماكنتوش ناويين تعملوا جزء تاني أو يمكن ناويين، بصراحة مش عارف ومش هافتي، أضف لي ذلك لأن الغالبية العظمى من الأعمال التي يتعمل منه جزء تاني، بيكون جزئها الأول أقوى وأحلى، وهنا حدث الإستثناء”.
وأضاف تامر حبيب”ذكائكم وصدقكم وموهبتكم في اللي انتوا كاتبينه السنة دي ربطتنا كمشاهدين وحببتنا في الشبكة الطيبة المبهجة الممتعة دي أكثر وأكثر، أنا شخصيا و من أول حلقة ماتش الكورة لقيت روحي عايز الحق اخطفني كرسي وسط العيلة الحلوة دي واتفرج معاهم على الماتش، ودموعي فاجئتني وفرحت كأني بجد واحد منهم، كل واحد في الناس دول بقي يخصني، وكل شاب وشابة وطفل وطفلة بقوا ولادي، بقيت عايز أساعد في حل مشاكلهم، وخايف على الولاد زي ليلي وأحمد بالظبط وشايل همهم، عيلة كامل العدد بقت عيلتي بجد علشان العيلة دي هي فعلا هي عائلاتنا كلنا أيام ما معني العيلة كان موجود ومهم”.
أمنية فهم الرسالة من العمل
وتابع: «يا رب كل اللي اتفرج يبقي افتكر وفهم وقدر المعني ده، فرحت قوي وأنا بأتلخبط وأنا بأتفرج ومش فاكر مين ولاد مين و لا مين أخوات مين، يا رنا ويا يسر ويا خالد يا خلفاوي يا إنسان، ماظنش أن أي حد فينا ماكانش جعان ونس ودفا و طيبة لقيناهم عنكم، وعمرنا ما هانشبع منهم أبدا، وأكيد كل فرد من أفراد العيلة دي هما وقرايبهم وصحابهم وحبايبهم وحبايب صحابهم ليه دور عظيم ما يقلش عن دور الثاني في إحساسنا بالونس ده».
واختتم تامر حبيب عن رأيه في المسلسل: «أنا لسه ماشوفتش آخر حلقة، قاصد أأجل آخر قعدة معاكم اللي بعدها علطول هأفضل مستنيكم لغاية ما ترجعولي السيزون الجاي».
لمتابعة أوان مصر على الفيسبوك من هنا