تحدثت الفنانة عايدة رياض عن حياتها العاطفية خلال لقائها ببرنامج “سابع سما”، الذي تقدمه الاعلامية راغدة شلهوب.
وقالت عايدة رياض: لا أعيش قصة حب، وكنت مرتبطة بشخص من جمهوري ومعجبيني، وعلى اتصال دايما، ولسه ماشوفتوش، وبيسأل عليا، ولما بطلع في التليفزيون؛ بيقولي كنتي أمورة ولذيذة، وأنا بفرح بالكلام ده.
وواصلت: هو زعلان مني وعملتله بلوك، لأنه كل ما ييجي مصر، بكون مشغولة، وما اتقابلناش، وفاكر إننا فاضيين عشان فنانين، وأنا معجبيني كتير، ولو فكرت أرتبط، لازم آخد واحد صغير، لأني كبيرة، ومواليد 1954، ولو إني مش مقتنعة بيه؛ بس بتكلم عن نفسي.
عايدة رياض تروي تفاصيل تعرفها على محرم فؤاد
ومن جانب اخر يذكر ان عايدة رياض حلت ضيفة ببرنامج كلمة أخيرة مؤخرًا مع الإعلامية لميس الحديدي، وكشفت عن تفاصيل حياتها وتعرفها على الفنان محرم فؤاد، لافتة انها كانت تحب شخص أخر مختلف عن ديانتها.
وصرحت عايدة قائلة: “اتعرفت على محرم فؤاد في إحدى الحفلات الخاصة بقرفة البمبوطية وقتها كان عندي عرض وهو كان بيتفرج وبعد العرض لقيته طلبني بالاسم وقالي انا عاوزك تقدميني في حفلة انا هعملها وانا قولتله وقتها انا ماليش خبرة في المجال ده قالي انتي مش هتعملي حاجة اكتر من انك تعلني اسمي قبل الحفلة”.