كتب/أحمد ماجد
نشر اليوتيوبر عمرو راضي فيديو له عبر صفحته الشخصية بموقع التواصل الاجتماعي فيسبوك، لطمئنة جمهوره بعد الاتصالات والرسائل التي وردته على حد قوله.
وكتب عمرو على الفيديو الذي نشره:”مفيش حاجه ممكن توجع قلبي وتاخد روحي .. زي حزني عليك، مع السلامه يا حبيبي ، بس عايزك تعرف إني بشوفك ف كل مكان .. وكل حاجه بتفكرني بيك .. وشك مبيفارقنيش،مكانك جمبي ف العربيه .. كرسيك قدامي ف القهوه .. .. الاكل اللي بنروحله .. الرغي قبل م بننام .. كل الصور .. كل الاماكن ..كل البيوت .. كل الهزار ..كل التفكير ف الماضي والمستقبل ..صحابنا ..كل حاجه بتفكرني بيك .. حقيقة ان جسمك فارقني الهروب منها صعب .. بس المستحيل الوحيد ان روحك تفارقني لحظه ..اتعودت عليك وعلى يومي معاك ف سبنا أهالينا وعشنا مع بعض .. رجعتني بيتي لوحدي زي العيل الصغير اللي تاه من أمه ف سوق كبير مليان ناس .. فاكر كلامنا وفاكر أحلامنا وأوعدك هحققلك كل اللي كان نفسك فيه! و هشيل صورتك ف كل خطوه زي م شيلتك على كتفي…وحشتني يا عشرتي وونسي”.
وظهر عمرو في الفيديو حزين على وفاة صديقة اليوتيوبر مصطفى حفناوي، وطالب المتابعين بالدعاء له.
أقرأ أيضاً: