حرص المطرب الشعبي حسن شاكوش، على الرد على الاتهامات الخطيرة التي اتهمته بها طليقته “ريم طارق”، في آخر لقاء تلفزيوني لها مع الإعلامية بسمة وهبة.
وشارك “شاكوش”، مقطع فيديو عبر حسابه الشخصي على موقع التواصل الاجتماعي “فيس بوك” يكشف فيه تفاصيل أزمته مع طليقته ريم طارق.
وعلق “شاكوش” على الفيديو: “مساء الخير يا جماعة، يمكن من ساعة الحوار ما خلص ومن آخر فترة أنا كتبت فيها وقولت إني هسكت ومش هحكي أي تفاصيل عن إنسانة كانت في يوم من الأيام عايشة معايا ومراتي احترامًا للي كان بنا”.
وأضاف: “عارفين بعد كل فترة بيحصل فيها كلام كتير أو ضغط من كل اللي حواليا ببقي عايز أطلع وأحكي تفاصيل كتيرة أدافع بيها عن نفسي بس برجع وأقول هرد بكلام والكلام هيجيب كلام ومش هنوصل لحلول، بس كل اللي أقدر أقولوا إن مفيش عين تصدق غير اللي تشوفه ربنا يهدي الجميع ويعدينا منها على خير، وأسف إن طولت عليكم”.
وكانت كشفت ريم طارق طليقة حسن شاكوش، عن أسباب طلاقها والأزمات التي تعرضت لها بسبب المشاكل بينهما وتعرضها للكثير من المشاكل بسببه.
وقالت خلال حوارها في برنامج “90 دقيقة”، الذي تقدمه الإعلامية بسمة وهبة، الذي يتم عرضه عبر شاشة قناة “المحور”: ” الطلاق حصل بالفعل، أنا اتحملت اللي ما حدش يتحمله من رابع يوم جواز وكل يوم بشوف قصة وموضوع، كفاية إني كنت مهددة إني أقعد في البيت أو إني أخرج من البيت ما أعرفش أرجع”.