كشفت الإعلامية بسمة وهبة عن سبب ارتدائها الأسود في الأيام الأخيرة على الهواء خلال تقديم برنامجه 90 دقيقة، وذلك بعد أن ظهر عليها ملامح الحزن ليتسائل الجمهور عن السبب.
وقالت بسمة: أنا اتعرضت لظرفين أصعب من بعض الواحد بيبقى جواه اللي جواه بس بيطلع على الشاشة ويحترم المشاهد والناس اللي مستنياه، وكنت مقررة إني هطلع رغم الألم والمعاناة والحزن، وكان لازم أتكلم عن الإصابة بمتحور أوميكرون، خالي و والد صحبتي ماتوا بأوميكرون ومعرفتش أنه خالي مات بيها الا لما كنت في العزاء .
بسمة وهبة تُحذر الجمهور من أوميكرون
ونشرت بسمة وهبة مقطع فيديو، وظهرت من خلاله في حالة صحية متدهورة، حيث انها لم تستطع أن تسرسل في الحديث بأريحية بسبب السعال المتكرر، وجاء به: “نصيحة مني اللي حاسسس انه عنده دور برد، ميتعاملش على أنه درو برد يعرف على طول انه أوميكرون ويبتدي ياخد علاج والمسحة مبتطلعش من اول مرة ايجابي، أول مرة عملتها كانت سلبي وتاني مرة عملتها وتاني مرة كانو سلبي، أما التالتة فكانت ايجابي”.
وأضافت: “أي حد من فضلكوا يخلي بالو ويخلي عنده ضمير، وميخطلتش بحد، ومتقعدوش في أماكن مغلقة، خلو بالكوا والتزموا بالإجراءات الإحترازية وألبسوا الماسكات”.
فيما كتبت بسمة على الفيديو: “الأوميكرون مبيظهرش ف البي سي ار ..انتبهوا الدور مش سهل وبلاش كلمه انا عندي دور برد لان ده اوميكرون وده اللي خلاه ينتشر بالسرعه دي بينا هو الإستهانه والإختلاط واسألكم الدعاء .من ساعه خبر وفاه وائل وانا معنوياتي صفر دموع لا تتوقف ع فقدان استاذي وزميلي وصديقي اللي رحيله صدمه كبيره.الله يرحمه ويشفيني ويشفي كل مريض”.