هاجمت الفنانة شذى مؤدي المهرجانات حسن شاكوش بعد تصريحاته في برنامج بسمه وهبه .
وانتقدت شذى حديث شاكوش واسلوبه في الحوار ، واصفة اياه بالمستفز ، مطالبه بأن يقوم بتحضير اجاباته بدلا من اجاباته التي تعبر عن جلوسه على مصطبة وليس أمام المشاهدين .
وقالت عبر صفحتها بـ فيس بوك « طب انت مستفز يا شكشك بدل كلمه مستفز بتعصبك و دكتوره بسمه وهبه علشان هي ست شيك، قالتلك شذى فنانه زميله علشان تجبر بخاطرك بس الحقيقه انت لا فنان و لا زميل بالنسبالي خالص.
و أضاف: «أنت مؤدي و بالنسبالي صوتك مزعج انما فنان زميل دي انا اعترض عليها بشده و دي الحقيقه بس علشان ، دكتوره بسمه مؤدبه و انت ضيفها مقلتلكش الحقيقه واصلا مينفعش تسأل مين دي مش علشان لازم تكون عارفني بيني و بينك اريح لو متعرفنيش وتعمل الشويتين بتوع ااااااه عارف اسمها و مش عارف اغانيها و مال شكلها اتغير كده ليه و جو ٣ ورقات ده».
مستكملة حديثها عبر منشورها: «لان الرد موجود ما انا او محدش فاكرني و لا عرفني مش هيجيبوا كلامي و يعرضهولك يا جاهل، و اصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي و مش معنى ان في هيصه الفتره دي على اللون ده ان انت واللي، زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها، و عموما وعمليا ردك ملهوش دعوه خالص بالسؤال ولا فهمت منك حاجه و مش عيب انك تحضر قبل الحلقه عفوي و على طبيعتك دي لما تكون قاعد على مصطبه او واثق في ردودك الذكيه المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك».
وانهت البوست قائلة: ملحوظه الجاكت اللي كنت لابسه حريمي يا فنان