كشفت الفنانة برنسة عبد الغني أشهر كومبارس في مصر، كواليس عن حياتها الشخصية، وتروي تفاصيل تعرضها لعدة أزمات صحية، ومنهم أدت بيها ان تستئصل الرحم.
برنسة عبد الغني أشهر كومبارس في مصر
وصرحت خلال حوارها مع الإعلامية أميرة بدر، برنامج الترايزة الذي يعرض عبر قناة الشمس الفضائية، قائلة: “عملت استئصال للرحم بسبب ورم لوفي طلعلي 3 مرات، مرة شيلته في مصر كان 7 كيلو واكتشفته لما كنت في السعودية، والمرة التاني كنت في الاردن والمرة التالتة شيلته في مستشفى احمد ماهر”.
وأضافت قائلة: “وعملت وقتها استئصال للرحم خالص عشان كان هيطلع تاني زعلت اوي ان استئصلت الرحم لان كان نفسي يكون عندي عيل او بنت، وبعت كليتي عشان اعالج امي”.
أشهر كومبارس في مصر تكشف معاناتها
روت الفنانة “برنسة عبد الغني”، تفاصيل عن حياتها الشخصية، وكشفت عن مهنتها قبل ان تدخل عالم الفن، كما أوضحت كواليس معاناتها مع المرض بعد ان سقطت من على السلم.
وكشفت قائلة: “كتبت قصة حياتي واديت شوية منها للاستاذ عمرو محمود ياسين وضاعت منه اللي حصل ان انا وقعت على ضهري كنت عند شيخ التاني بن فيصل آل التاني قعدت معاهم 7 سنين فهما دول كانوا اخر ناس سافرت معاهم اتزحلقت انتي عارفة الهنود مهملين شوية بيرموا ماية وصابون ومش عارف ايه”.
وأضافت قائلة: “كنت رايحة اتكلم في التليفون اتزحلقت ونزلت على ضهري حوالي 6 سلالم وقعدت اتعالج شهرين عند دكتور قطري عشان كنت في قطر وسرفت حوال 35 ألف ريال هما دفعوا النص وانا النص لحد ما شديت حيلي كنت بمشي محنيه الدكتور فكرني عندي 90 سنة”.