روت أشهر كومبارس في مصر الفنانة “برنسة عبد الغني”، تفاصيل عن حياتها الشخصية، وكشفت عن مهنتها قبل ان تدخل عالم الفن، كما أوضحت كواليس معاناتها مع المرض بعد ان سقطت من على السلم.
أشهر كومبارس في مصر تكشف معاناتها
وكشفت خلال حوارها مع الإعلامية أميرة بدر، برنامج الترايزة الذي يعرض عبر قناة الشمس الفضائية، قائلة: “كتبت قصة حياتي واديت شوية منها للاستاذ عمرو محمود ياسين وضاعت منه”.
وتابعت قائلة: “اللي حصل ان انا وقعت على ضهري كنت عند شيخ التاني بن فيصل آل التاني قعدت معاهم 7 سنين فهما دول كانوا اخر ناس سافرت معاهم اتزحلقت انتي عارفة الهنود مهملين شوية بيرموا ماية وصابون ومش عارف ايه”.
وأضافت قائلة: “كنت رايحة اتكلم في التليفون اتزحلقت ونزلت على ضهري حوالي 6 سلالم وقعدت اتعالج شهرين عند دكتور قطري عشان كنت في قطر وسرفت حوال 35 ألف ريال هما دفعوا النص وانا النص لحد ما شديت حيلي كنت بمشي محنيه الدكتور فكرني عندي 90 سنة”.