يخوض نجم الجيل تامر حسني، تجربة فنية جديدة، وبشكل مختلف عما قدمه من قبل، حيث يحضر مفاجأة سينمائية للجمهور بعنوان “روميو”، من إخراجه وتأليفه.
والجدير بالذكر أن هذا الفيلم يعتبر أول تجربة إخراجية لتامر في عالم السينما.
وتدور أحداث الفيلم حول علاقة حب وطيدة تجمع الفنانة هنا الزاهد، والنجم تامر حسنى، وتتسلسل الأحداث في إطار رومانسي كوميدي، ويشارك الفنان حمدي الميرغني، ولاتزال شركة الانتاج تتعاقد مع باقي الفنانين.
تامر حسني يحتفي بـ نجاحه في الغناء: بحلم بيه من وأنا صغير
أعرب نجم الجيل تامر حسني، عن سعادته العارمة بالنجاح الذي حققه في حياته الفنية، وبالحال الذي عليه الآن، عبر حسابه الرسمي بموقع التواصل الاجتماعي “إنستجرام”.
ونشر تامر مقطع فيديو، أثناء مروره وسط المعجبين، إلى إحدى حفلاته، وعلق: “المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه و كنت بسأل نفسي طب يارب انا هتشهر بالشكله دا و الناس هتحبني كدا في اي مجال”.
وأضاف: “عشان ساعتها كنت بلعب كوره بس كان عندي اصابات كتير بدري على سني و مشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل و دا شيء محبط لإني كنت مصنف لاعب مهاري كويس، و الموضوع دا اتكرر معايا في الزمالك و الأهلي و الإتنين استغنوا عن خدماتي”.
واستطرد: “يعني مهم اوي انك تدور جوه نفسك عشان لازم هتلاقي ربنا مخلقكش فاضي و اتمنى من الأهل انهم يركزوا مع ولادهم في اصغر سن ليهم و يفضلوا دايماً يكلموهم عن الحلم و الطموح و النجاح ..بكتب الكلام دا و واثق مليون في الميه ان فيكم حد محتاج يسمعه و كان مستنيه الإشاره جت اهي مالكش او ملكيش حجه”.