أعربت الإعلامية بسمة وهبة، عن استيائها الشديد من شائعة دخولها المستشفى، التي تناولتها أحد المواقع الصحفية، وروجت لها مرارًا وتكرارًا.
وكتبت بسمة، عبر حسابها الرسمي بموقع التواصل الاجتماعي “إنستجرام”: “بترجاكم بلاش اشاعات لان الوقت ده الواحد بيبقي محتاج كلمه تشجعه مش اشاعه تزعله وبلاش عناوين بتلميحات سلبيه بلاش تحطمونا وتستغلونا من اجل الايك والشير (بعد وفاه الابراشي بسمه وهبه ف المستشفي)”.
وتابعت بسمة وهبة: “اولا انا مش ف المستشفي الحمدلله انا بتعالج ف البيت الدور صعب اه صعب وصعب جدا حرفياً، ومؤلم انا بعد ما بديت اتحسن ظهرت لي اعراض تانيه فقدان حاسه الشم والتذوق واصابه الصدر بنزله شعبيه وكحه ببلغم وقرحه ف الفم وضربات قلب سريعه ونهجان مستمر ومحظوظه بالعلاج مع الطبيب الانسان الدكتور حسام حسني محترف بيعمل كل شيء طبي وانساني عشان ينقذ مريضه ويدعمه ويطمنه وبقولها تاني ارجوكم ادعولنا بدل ما تحطمونا بالاشاعات السلبيه ويا رب يشفينا جميعا ويقومنا من المحنه دي ع خير.اسألكم الدعاء”.
View this post on Instagram
بسمة وهبة تُحذر الجمهور من أوميكرون
ونشرت بسمة وهبة مقطع فيديو، وظهرت من خلاله في حالة صحية متدهورة، حيث انها لم تستطع أن تسرسل في الحديث بأريحية بسبب السعال المتكرر، وجاء به: “نصيحة مني اللي حاسسس انه عنده دور برد، ميتعاملش على أنه درو برد يعرف على طول انه أوميكرون ويبتدي ياخد علاج والمسحة مبتطلعش من اول مرة ايجابي، أول مرة عملتها كانت سلبي وتاني مرة عملتها وتاني مرة كانو سلبي، أما التالتة فكانت ايجابي”.
وأضافت: “أي حد من فضلكوا يخلي بالو ويخلي عنده ضمير، وميخطلتش بحد، ومتقعدوش في أماكن مغلقة، خلو بالكوا والتزموا بالإجراءات الإحترازية وألبسوا الماسكات”.
فيما كتبت بسمة على الفيديو: “الأوميكرون مبيظهرش ف البي سي ار ..انتبهوا الدور مش سهل وبلاش كلمه انا عندي دور برد لان ده اوميكرون وده اللي خلاه ينتشر بالسرعه دي بينا هو الإستهانه والإختلاط واسألكم الدعاء .من ساعه خبر وفاه وائل وانا معنوياتي صفر دموع لا تتوقف ع فقدان استاذي وزميلي وصديقي اللي رحيله صدمه كبيره.الله يرحمه ويشفيني ويشفي كل مريض”.