في حادثة لها سابقتها، عرضت سيدة عبر وسائل التواصل الاجتماعي، وصفتها بالنصب العلني من طرف شركة التطوير العقاري بالم هيلز للتعمير، إذ أوضحت أنها رفقة 10 عملاء يتعرضون لخسارة أموالهم بعد شراءهم مجموعة من الكبائن على البحر العقارات التابعة للشركة.
تعرضنا للتضليل من بالم هيلز
وكتبت السيدة عبر حسابها بـ فيسبوك: اتعرضنا للتضليل من شركة بالم هيلز، كانوا بيبيعوا كبائن علي البحر وبعد نفاذ المعروض بالمرحلة الأولي عرضوا علينا كابينة في المرحلة التانية بسعر أعلي في مقابل أنها مفروشة ووافقنا ودفعنا ٥٥٠ ألف مقدم وأخدنا إيصال الحجز.
وتابعت: بعد ٣ شهور مسئولة المبيعات طلبت مننا نروح عشان توقيع العقد وعند وصولنا فوجئنا أنه عقد حق انتفاع، وليس عقد بيع ودي كانت أول مرة نسمع كلمة حق انتفاع منهم (شفناها في العقد محدش قال).
وأضافت: طبعا اعترضنا علي عدم الإفصاح وخاصة أن المرحلة الأولي كانت تمليك كلها ولما عرضوا التانية مسئولة المبيعات قالت دي بس أغلي عشان بالفرش.
استغاثة دون استجابة
وأكملت: طلبنا أننا نبدل بحاجة تكون عقد تمليك بس قالوا مفيش حاجة متوفرة فطلبنا نسترد الفلوس وهنا ظهر الوجه الآخر، مفيش حد بيرد علي تليفون أو إيميل، بما فيهم مسئولة المبيعات اللي نسيت تقول أن الجديد كله حق انتفاع ومسئولة دعم المبيعات أيضاً، كل الناس قالوا الحل عندها بس هي مش فاضية ترد علي إيميل واحد من ١٠ إيملات بعتناهم.
وأردفت في سرد المسئولين الممتنعين عن الرد أو التواصل: مدير أعمال العملاء قال مليش دعوة الموضوع عند مسئولة دعم المبيعات اللي مش بترد.
النصب العلني
وأشارت إلى أنها بعد ذلك توجهت رفقة العملاء الآخرين إلى القرية الذكية لتحرير شكوى، قائلة: نروح القرية الذكية نشتكي، يعرضوا علينا استرداد المقدم بعد خصم ٢٠٪ منه (١١٠ الف جنيه) عشان احنا عايزيين نلغي الحجز. في الاخر تكرموا وكتبوا إيميل عمر ياسين منصور علي ورقة وقالولي أبعت إيميل لعمر وهو هيحل، عدي اكتر من شهر .
وأتمت: أنا مش أول مرة اشتري منهم ومش أول مرة أشوف مشاكلهم بس النصب العلني ده جديد تماما بالنسبة لي، عمر منصور أكيد مشغول بس مش لدرجة إهمال عملائك الحاليين.