تحدث الفنان باسم سمرة عن كواليس مسلسله مع الفنانة نيللي كريم في مسلسل «بنت اسمها ذات» والذي يعتبره واحد من أهم أعماله كما قال في برنامج «واحد ن الناس» الذي يقدمه الإعلامي عمرو الليثي والمذاع على فضائية «الحياة».
وقال «سمرة»: «نيللي كريم كانت لسه في البدايات وكانت لسه لذيذه واستفادت مني ومن انتصار، نيللي كانت داخلة فاكرة أننا من عالم آخر مكنتش مصدقة أن في كده وبعديها بقت نجمة عظيمة وبتطور هي علشان كانت بتعمل بالية عندها إيقاع، بس وقت التصوير كانت بتبقى قاعدة مش عارفة تقول كلمتين على بعض».
باسم سمرة عن دوره الجرئ في عمارة يعقوبيان: مش أي حد يعمل الدور ده
حل الفنان باسم سمرة ضيف الإعلامي عمرو الليثي في برنامجه واحد من الناس، الذي يتم عرضه على قناة الحياة ، وتحدث خلال الحلقة تفاصيل مسيرته الفنية ،وأسرار عن حياته الشخصية.
وقال باسم سمرة: ” مفتكرش أني قبلت أي عمل جالي علشان محتاج فلوس مش متذكر بس أنا فخور بكل شغلي ولو مغلتطش مش هعرف أصحح من نفسي”.
وتابع:” مبهتمش لو انتقد الجمهور دور قدمته، عملت فيلم عمارة يعقوبيان دور عسكري أمن مركزي وكان دور جريء جدًا الفيلم دا ليا أو لخالد الصاوي سبب شهرتنا رغم أن الدور كان محل انتقاد ومش اي حد يعمل دور زي ده”.
وأشار باسم سمرة أنه لا بد أن يكون هناك شخص يساندك لمواجهة انتقادات الناس اللاذعة، أنا مقلقتش من الدور خالص، معايا عادل إمام وأقلق، دا كان مصر كلها في الفيلم نور الشريف، كان نفسي أعمل دور ابن البواب اللي عمله محمد إمام، والاثنين كانوا بطولة موازية العسكري وابن البواب”، مشيرا إلى أن الفنان القدير عادل إمام أشاد بدوره إشاده عظيمة في هذا الفيلم”.