كتب_أحمد الزاهد
أثارت خلاف مطرب المهرجانات حسن شاكوش مع المطرب الشعبي رضا البحراوي جدلًا واسعًا في الآونة الأخيرة، وذلك بعد الشجار بينهما في الساحل الشمالي الجمعة الماضية.
وحرص موقع “أوان مصر” على حصد القصة الكاملة في السطور التالية للخلاف بين مطرب المهرجانات حسن شاكوش والمطرب الشعبي رضا البحراوي.
بدأ الخلاف بمشاجرة بين حسن شاكوش ورضا البحراوي وفرقته بالساحل الشمالي، وذلك بعد تواجد الثنائي على خشبة المسرح في نفس التوقيت، وطلب شاكوش من فرقة رضا البحراوي النزول من على خشبة المسرح من أجل بدء حفلته الغنائية.
من جانبه تدخل مطرب المهرجانات الشعبية حمو بيكا بين حسن شاكوش ورضا البحراوي وحاول تهدئة الأمر، ليُكمل حسن شاكوش حفله الغنائي، وبالفعل استمر الغناء حتى الساعات الأولى من صباح اليوم الأحد.
هاني عزب يصف المشاجرة بـ”حرب الشوارع”:-
وصف الناقد الفني هاني عزب هذه المشاجرة بـ”حرب شوارع”، وذكر كافة التفاصيل من خلال منشور له عبر حسابه الشخصي عبر موقع التواصل الاجتماعي “فيسبوك”.
وقال عزب:”انفراد كواليس خناقة وحرب الشوارع بين حسن شاكوش ورضا البحراوي.. البداية كانت مع شاكوش اللي لما طلع على المسرح كانت فرقة رضا موجودة على المسرح.. شاكوش قرر إنه مش هيكمل فقرته إلا لما فرقة البحراوي تنزل من على المسرح، لإن كده كده بيغني “بلاي باك” وبالفعل طلبه اتنفذ وسط استياء من أعضاء الفرقة”.
وواصل: “قبل ما حسن شاكوش ينزل ويخلص فقرته قررت فرقة رضا البحراوي تطلع على المسرح مرة تانية وده خلى فيه غضب كبير عند شاكوش اللي وهو نازل من على المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب.. وحاول هنا (الفنان) حمو بيكا التدخل في الموضوع وإنهاء الأمر قبل أن تحدث كارثة حقيقة وخناقة شوارع في الساحل الشمالي”.
وأختتم: “وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغنا وفضل ينادي على شاكوش، وقال: شاكوش فين.. مشي.. كنت عايزه والله.. بس للأسف خد بعضه وجري..عايزه يدعي لحمو بيكا”.
شاكوش يسخر من رضا البحراوي بعد المشاجرة بينهما في الساحل:-
سخر مطرب المهرجانات حسن شاكوش، من خلال مقطع فيديو نشره عبر حسابه الشخصي على موقع “فيسبوك”، وقال فيه ضاحكا: “أنا هربان يا جماعة في شرم الشيخ.. عندى حفلة هنا.. ادعولي”.
رضا البحراوي يرد على حسن شاكوش:-
ظهر المطرب الشعبي رضا البحراوي في بث مباشر بر حسابه الشخصي بـ فيسبوك قائلا: “أنا محترم ومش هغلط فيك ولا بد لنقابة المهن الموسيقية أن ترد له حقه وحق فرقته”.
حسن شاكوش يهدد رضا البحراوي: “مش بسكت على الغلط”:-
ذكر حسن شاكوش من خلال لايف عبر صفحته الشخصية عبر موقع التواصل الاجتماعي “فيسبوك” تفاصيل المشاجرة قائلاً:” صباح الخير على كل اخواتنا اللي بيحبونا واللي بنحبهم أنا طالع يا جماعة اتكلم في موضوع يخصني ويخص الأستاذ رضا البحراوي، هو طلع من شوية في لايف بيقول عليه كلام كتير، طب أول حاجة يا جماعة المفروض إن إحنا كان عندنا شغل في الساحل والمفروض إن أنا راجل عندي نمرة، مش ينفع إن أنا أطلع أغني وألاقي فرقة حطه العدة بتاعتها في نمرتي، والأصول إن اطلع نمرتي تكون كل واحد ياخذ حقه مش ينفع إن أطلع الاقي فرقة جهزت الآلات بتاعتها على نمرتي”.
وواصل شاكوش:”بلغت مرة واتنين إن يا جماعة مش ينفع ولازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود، وبعد ما خلصت أخر شغل، فرقة الأستاذ رضا البحراوي، طلعت على المسرح تاني ومش رضيت اتكلم، وأنا نازل حد فيهم من الفرقة راح شتمني وعاملي حركة كأنهم بيزفوني”.
واختتم:”وأنا نازل طبعا انا راجل شوفت كده انا راجل حر من بولاق الدكرور، ولما بشوف الغلط بعيني مش بعرف اسكت، وعمري في حياتي ما غلطت في حد ولا جبت سيرة حد ولا اتكلمت على حد، وبعد ما خلصت ونزلت لاقيت أستاذ رضا البحراوي طلع وبيقول هو فين شاكوش هو هرب ولا جرى أنا بصراحة كان نفسي فيه، لا يا بحراوي أنا ولا جريت ولا هربت أنا خلصت فقرة بتاعتي زي أي نجم بخلص وبروح بيتي”.