أعلن الفنان محمود المهدي، عن انتهاء خلافه مع نقيب الممثلين، الدكتور أشرف زكي، بعد فترة خلاف دامت طويلًا، مشيرًا إلى أنه كان مُغفل عن أشياء كثيرة يفعلها الدكتور أشرف لصالح الفن في مصر.
ونشر السيناريست أحمد عاشور، عبر حسابه الرسمي بموقع التواصل الاجتماعي “فيسبوك”، مقطع فيديو للفنان محمود المهدي، يعلن من خلاله التصالح.
وقال المهدي في الفيديو: “فيه مبادرة عملها الاستاذ مسعد فودة نقيب السينمائين، والسيناريست أحمد عاشور، والاستاذ محمد جمعة، واجتمعنا في مكتب الاستاذ مسعد فودة، ووضحلي حاجات كتير الصراحة انا مكنتش مغفل عنها، فيه حاجات كتير انا منتبهتش ليها، وفيه ناس كتير استغلت الموضوع، وسخنت الدنيا وسخنتني، وحصلت حاجات كتير غلط ومكنش ليه لازمة لكل ده”.
انتهاء الخلاف بين محمود المهدي وأشرف زكي
وأردف: “الاستاذ مسعد الصراحة بينلي حاجات كتير، وفتحلي عنيا على أني اشوف حاجات مكنتش شايفها، وطلع الدكتور اشرف زكي بيعمل حاجات كتير انا مكنتش اعرفها، والناس بردو متعرفهاش، وهو دايما بيسعى أن الفن يكون ليه مكانة في مصر”.
وأضاف: “لو مكنش حصل الخلاف ده ما بينا مكنتش وصلت اني اعرف الحاجات اللي هو بيعملها، وان احنا الاتنين في اتجاه واحد، وهو اننا عاوزين فن دايما يرفع من مكانة مصر، ففيه سوء فهم حصل وفيه ناس كتيرة استغلت ده”.
واختتم محمود المهدي: “بشكر استاذ مسعد فودة أنه نبهني لحاجات كتير كنت مغفل عنها فعلا، وأنا مش عاوز اي حد يزعل مني ولا أي فنان، واحنا ان شاء الله هنلتقي في اعمال جديدة، ومش عاوز ادكتور اشرف زكي يكون شايل مني في حاجة”.