كتبت- نورا حسن
نشر مطرب المهرجانات عمر كمال، مقطع فيديو عبر حسابه الشخصي فيسبوك، يرد فيه علي الهجوم الذي وجه له بسبب “بوست” له عن النبي محمد صلى الله عليه وسلم ودفاعه عنه، رافضين أن يتحدث عن النبي محمد بسبب طرحه مقطع فيديو مع الراقصة لورديانا خلال الأيام القليلة الماضية، قائلاً: “الناس حسستني أن خارج عن الملة، وأن أنا مش مسلم، وخلوني أمسح البوست عشان متشتمش”.
https://www.facebook.com/OmarKamalok/videos/411240580269262/
كما أضاف “كمال”، خلال “البث مباشر” عن الراقصة لورديانا قائلا: “انتوا اللي شهرتوها مش إحنا، أنا مجبتهاش من البيت، وأنا اتكلم على النبي براحتي، النبي مش بتاع حد لوحده، ربنا اللي هيحاسبني مش أنتم”.
كما تابع: “إحنا مش محتاجين نركب التريند إحنا اللي بنعمل التريند الحمد لله، إحنا تريند بقالنا أكتر من سنة، والفيديو اللي بنزله بيتشاف واللي عاوزين نقوله بنقوله والناس بتشوفه، الناس بتتعرف لما بتظهر جنبنا في أي مكان، إحنا بنجدد شغلنا للناس”.
وأكمل: “الناس مركزة معايا جدا، فيه فنانين كتير بيجيبوا موديل فى كليباتهم ومحدش بيتعرض ليهم بكلمة، ولا بيحصل ليهم أى انتقادات وفيه مهرجان كل الفنانات بتلبس فيه فساتين خارجة، والصور مالية السوشيال ميديا، ومحدش وجه ليهم أى انتقادات، وبعدين هو مين اللى شهرها ومين اللى كان بينزل الفيديو بتاعها وطلعها تريند”.
وأشار إلى أنه لا يرى أي مبرر على الهجوم عليه، سواء بسبب لورديانا أو غيره، “ما الناس اللي بتهاجمني دي هي هي اللي كانوا بيدخلوا لبعض يقول ابعتوا الفيديو بتاعها، ومشكلة الفيديو أنه بيخلص”.
وواصل: “أنا عملت ذنوب ومعاصي وبدعي ربنا يهديني، وبدعي ربنا أموت وأنا بصلي، وبقول يا رب توب عليا وأهديني سكة ترضاها ليا، وربنا عارف أن قلبي كويس ونيتي كويسة”.
وكان ردود الفعل علي مقطع الفيديو من قبل المتابعين، منها ماهو هجومي، والقليل منها يدعم عمر في كلامه.
فقال أحد المتابعين” ولايهمك كبر دول أعداء النجاح” ، وعلق آخر ” انت محترم وفنان رائع بس محتاج تنقي التوقيت بتاع التريند” ، وأضاف متابع” علي فكرة الدنيا مقلوبة وانتا بتغني انتي معلمة” ، وآخر”يعني خلاص الوقت مناسب مع الراقصة البرازيلية تعمل تريند”، وأضاف متابع” كنت استني متنزلش الفديو بتاع الراقصة غير بعد موجه الغضب دي”، وآخر يقول” ياعم دا مش هجووم اللي ميشوفش من الغربال يبقي أعمي دا مش وقته اللي انت بتعمله يوم مولد النبي ومنزل فيديو الراقصةومبسوط عشان تعمل تريند وتريند إلا رسول الله ينزل يا عم انت راجل فاهم سيب الكلام دا لحد جاهل”، وكثير من التعليقات التي يغلب عليها الهجوم علي الرقم من التبرير في الفيديو.