هاجمت الفنانة القديرة رجاء حسين إطلالات النجوم بالمهرجانات، مشيرة إلى أن ما يحدث منهم لا يرضي الله عز وجل.
وذكرت رجاء حسين خلال لقاء لها ببرنامج الستات: أنا ست شرقية واللي بيحصل ده حرام وميرضيش ربنا، عمرنا ما سمعنا إن فنانات زمان كانو بيظهروا بهذه الطريقة.
وواصلت: أنا دقة قديمة وشوفت السيدة فاتن حمامة لما كانت بتحضر مهرجانات، كانت ملابسها محترمة وإطلالتها أنيقة.
تصريحات رجاء حسين ببرنامج الستات
وعن حب الجمهور لها قالت رجاء: الفلوس مش كل حاجة، ورأس مالي هو حب جمهوري اللي بيحترم فني وأدواري، الفن هو ذاكرة التاريخ، والتاريخ يمكن أن يكون إدانة للفنان، أو مصدر فخر له خلال حياته أو بعد رحيله.
وواصلت: لو ماشية بتاريخك صح، هتكون أعمالك مصدر فخر واعتزاز ليكي، وأنا عايزة لما الناس تتفرج على أعمالي أكون فخورة، مش خجولة منها، وأنا لا اتدخل إطلاقًا في أي مشكلات شخصية بين فنان وفنانة، ولا أتدخل في خناقات بين الفنانات، مهما كانت علاقتي بهن، عشان أنا بحب أكون في حالي.