تحدثت الفنانة منة جلال، عن الانتقادات التي توجه لعدد من الفنانين الذين يقومون بالظهور في لايفات عبر تطبيق «تيك توك».
وقالت إنها استغلت الظهور على تيك توك في تكوين صداقات جديدة، لافتة إلى أنها حينما تعشر بأنها محطمة نفسيا تقوم بالخروج في لايف للتحدث مع متابعيها في أزمتها مما يساعدها على تخطي المحن والأزمات.
وأضافت منة جلال في تصريحات تلفزيونية: “لايف التيك توك فرق معايا كتير أوي، انا لما بكون محطمة نفسيا بطلع لايف علشان أتكلم مع الناس، بعتبرهم عيلتي وفرق معايا وبحبه وبقيت قريبة من الناس أكتر، بقى في روح وكيان والناس بتشوف أي فنان على طبيعته من غير ميك اب ومن غير لبس، وعملت صداقات عوضتني عن حاجات كتير في حياتي وبتديني طاقة إيجابية”.
وتابعت: “بستغرب ليه الناس بتهاجم الفنانيين اللي بيطلعوا لايف علي التيك توك، أنا بطلع مع أصحابي نهزر ونضحك ونتبسط وفي أي مكان دلوقتي لازم تتسألي عندك كام متابعين والبلوجرز دلوقتي هما اللي بقوا في الأوائل، لكن في ناس بتفتعل التريند علشان تتشهر اكتر ودول عندهم أمراض نفسية”.