حرصت الإعلامية رضوى الشربيني على الرد على هجوم الإعلامية ياسمين عز عليها بطريقة غير لائقة تحمل تطاول وانتقادات لاذعة، وذلك بطريقة غير مباشرة .
وكتبت رضوى الشربيني عبر حسابها الشخصي بموقع التواصل الإجتماعي “فيسبوك”: بحب أوى الست اللي اتربت على الأصول والرقي في التعامل و عندها فن الرد… الست اللي ليها كيان و كرامة تتحدث بشكل لائق و لا تتصرف او تتكلم كعبدة او مملوكة… الست اللي بتقف جنب اي حد مظلوم…من غير ما يفرق معاها اي حد.
وكانت كتبت ياسمين عز عبر حسابها الشخصي بموقع التواصل الاجتماعي فيسبوك: ويحك يا دعسوقة.. كرامة إيه يا أم كرامة بلاستيك اطرافها مطاط، تمط وتنكمش حسب المصلحة والظروف المحيطة.
وأضافت: مدام بليز كرامتك وقعت منك اخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المراة الأربعون برة بيت الزوج من غير اذنه.
وتابعت: سلينا كدة في الإجازة لإنك شطبتي محتوى وبقيتي مملة، حتى في تلقيحك مملة زيرو محتوي زيرو أنوثة، بس الأمانة استرجال ليڤل الوحش.
واستكملت: ده أنا مش بس أدوس ععلى الفساتين الماركات دة أنا ادوس على اي حد علشان خاطر الفرعون الصغير الكبير بعمل دة فالحياة العادية وبقوله في العلن.
وواصلت: انما بقي لما يكون في خرابة بيوت بتبوس الجذم فالسر وتعمل فيلم مظلوم وتطلع في العلن تحكيلنا مأساة المرأة الاغريقية.
واكملت: كدة انتي محتاجة علاج يا مدام روحي اتعالجي يا مدام في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء.
استطردت: وبلاش نشغل أسطوانة المراة الحديدية علشان المرأة نفسها لو عرفت انتي إيه هيجيلها صدمة دماغية حضارية .
واختتمت ياسمين عز: بقولك يا كابتن جربي حطي اسمي تاني في تلميحات أو تلقيحات علشان هنتفرج كلنا وقتها أنا هدوس على ايه تاني غير الماركات، واهو بالمرة نحكي الحكايات، ونسلي الناس في الإجازات.