في الأونة الأخيرة أصبح الخرس الزوجي يمثل مشكلة كبيرة منتشرة بكثرة بين الأزواج، خلال هذه الفترة والتي يعاني منها المتزوجون بشكل أكبر وملفت، إذ تجد زوجها لم يعد مثلما كان في بداية قصة حبهما وارتباطهما،فبعد الزواج ربما يحدث بعض الملل،أو الروتين ولكن هناك بعض العلاقات الزوجية تنجح في التخلص من هذا الملل القاتل،أما في معظم العلاقات يسبب الملل إهمال الزوج فهو لا يعد يهتم بها ولا يتقرب إليها مثلما كان، فأصبحت الحياة الزوجية روتينية لم يعد لها بريقها مثلما كانت من قبل، لتجد الزوجة بعد أعوام قليلة من الزواج أمام شخص لا تستطيع التعامل معه بسبب انشغاله الدائم عنها وعن قضاء وقت ممتع معها.
الحياة بعد الزواج مملة “من بداية حملي وهو بيتهرب مني”.. الخرس الزوجي بين الزوجين
ربما قد وقع على مسمعك خلال الآونة الماضية مصطلح الخرس أو الملل الزوجي، الذي أصبح يتدوال بين الزوجات وبعضهن البعض، حتى بعض من الرجال أصبحوا يتداولونه أيضا في محيط أحاديثهم وجلسات السمر.
«على طول ماسك الموبايل أو بيتفرج على الماتشات على التليفزيون،ومش مهتم بيا وبطلباتي وكلامه معايا قليل» بهذه العبارة بدأت من خلالها رانيا محمد، 23 عاما، من محافظة الجيزة، متزوجة منذ 3 أعوام، الحديث عن الخرس الزوجي بينها وبين زوجها، متابعةً: «اتجوزنا عن حب كبير وكان قبل الجواز والخطوبة مبيبطلش يتكلم معايا وكان مهتم بيا جدا، ده حتي كان بيضايق لما بسكت أغلب الوقت ويقولي انتي مبتحبنيش ولا عايزة تتكلمي معايا، مع إني أنا بتكلم معاه طول الوقت بس هو كان عايز يفضل يتكلم طول الوقت، وقالولي دي حاجة كويسة ومش هيبقى ممل بعد الجواز، وبعد جوازنا بحوالي سنة ونص الحياة اتشقلبت ما بينا بقيت أنا بتحايل عليه يقعد معايا ويتكلم وهو بيتحجج إنه مش فاضي ووراه شغل ولما بيرجع البيت بيفضل ماسك الموبايل 24 ساعة،ده حتي يوم اجازته بيقضيه عند مامته أو في القهوة».
سنية “أنا عايشة في خرس زوجي من 15 سنة مع زوجي”
«البيت اتقلب أخرس لا حس ولا صوت»، عبارة بدأت من خلالها السيدة سنية المهدي، 45 عاما، حديتها،ف تزوجت قبل 15 عاما، ولديها ابنتان، وتعاني من الخرس الزوجي، إذ قالت: «من وقت بداية حملي التاني في بينتي وهو بدأ يبعد عني شوية بشوية مبقاش في وقت بيقعده معايا ولو عنده وقت فاضي بيقضيه مع صحابه على القهوة،أو قدام التليفزيون،ومبقاش بيقعد مع عياله ذي الأول،ده حتي ووقت الغداء بناكل في صمت وكل واحد بيقوم يشوف هيعمل ايه، بناتي اشتكوا انه مبيقعدش معاهم ولا بيتكلم معاهم، والصغيرة فهمت انه كدة مش بيحبها ولا عاوزاها ،أنا بقعد كتير بحاول أبررلهم موقفه بس خلاص مبقوش يقتنعوا الظاهر أنهم كبروا وبقوا بيفهموا أبوهم».