على غير عادتها في الرسائل التي توجهها لمتابعات برنامجها “كلام الناس”، وجهت الإعلامية ياسمين عز رسالة للرجال حول أنسب هدية منهم لزوجاتهم في عيد الحب.
وبدأت ياسمين عز رسالتها للرجل بغزل قالت فيه: “اسمع يا فرعون، يا تاج الراس، يا برطمان العسل يا خلية النحل، يا منبع السكر، يا أصل الحلا والغلا يا طير وطاير في السما، يا فرحة حزننا، يا نعمة ربنا، راسك هي الهدية وعيونك هي الفيونكة”.
وشرحت ياسمين عز تفاصيل الهدية قائلة: “فرعوننا اللي مفيش منه استأذنك، هنمشي بمثل تراب الرجل بالدنيا وما فيها، هتجيب لها حفنة تراب من تحت رجلك وتحطها في منديل حرير، وتقفل المنديل بفيونكة حمرا، عشان محدش يقول إنك بخيل وإنت أبو الكرم”.
وأضافت: “لو زوجتك تحولت لجعفر ورمت الهدية، تبقى سقطت في الاختبار بجدارة، ولو قالت يا فرعون يا تاج راسي بموت في التراب اللي بتمشي عليه، تبقى نجحت في الاختبار وجيب لها الدنيا”.
وتابعت: “معلومة طبية صحيحة، الراجل عنده قلبين، قلب في صدره، وقلب في عضلة رجله الخلفية، وشغل لها أغنية النجم تامر حسني أنا سي السيد وكلامي هو اللي هيمشي”.