عبر الفنان تامر حسني عن شدة سعادته بحفلته في مدينة العلمين، أمس الجمعة الموافق 21 يوليو 2023، ضمن فعاليات مهرجان العلمين.
وشارك تامر حسني عدد من صور حفل أمس، عبر حسابه الشخصي بموقع الصور والفيديوهات القصيرة انستجرام، حيث قال: يمكن قولت كتير على حفلات إنها من أحلى حفلات حياتي، بس حفلة العلمين إمبارح بجد هي أحلى وأهم حفلة عملتها في مشواري الفني كله.
وتابع: من أول دخلة الحفلة بالطيران على كل هذا الارتفاع، واللوحة الخاصة بكل أغنية بغنيها، وعروض استعراضية متناسقة مع كل الجرافيكس المعروض على الشاشات المتناسق أيضًا مع إبهار الألعاب النارية، اللي بيعبر عن كل حرف في أي أغنيه بغنيها.
وأردف تامر: بجد الحفلة دي كان وراها ناس كتير مخلصة وبتحب شغلها، وقبل أي شيء حابين بعض وحابين الخير لبعض، عشان كده طلعنا بالنجاح الجماهيري الخرافي ده، والنجاح المسرحي التاريخي ده.. شكرًا جمهورنا الراقي، شكرًا صناع الحفلة، شكرًا لاختياري لافتتاح مهرجان العلمين.
حفل تامر حسني في حفل العلمين
وشهدت حفل تامر حسنى بالعلمين عدد كبير من الجمهور، ومن أبرز لقطات الحفل كلمة تامر حسني على المسرح بعد دخوله الحفل، قال: منورين كلكم، وأنا بتشرف إن تم اختياري لافتتاح مهرجان العلمين.. المهرجان ده عايزين نحافظ عليه علشان يجمعنا ويجمع كل نجومنا من مصر وكل الوطن العربي.