أحدث الفنان حمادة هلال، ضجة كبيرة عبر مواقع التواصل الاجتماعي، خلال الساعات الماضية، بسبب تصريحاته في برنامج “حبر سري”، عن النجم تامر حسني.
فقد فجر هلال العديد من التصريحات النارية حول أغنية “عيش بشوقك” التي طرحها النجم تامر حسني منذ عام 2018 عبر يوتيوب، مؤكدًا على أنه أول ن كُلف بغناء الأغنية، ولكن بسبب انشغاله بمرض والدته، اختار كلًا من المؤلف والملحن، تامر حسني بغنائها بدلًا منه.
ويرصد لكم موقع «أوان مصر» في السطور التالية التفاصيل الكلملة وراء أزمة حمادة هلال وتامر حسني.
أزمة حمادة هلال وتامر حسني
تصدرت أزمة حمادة هلال وتامر حسني، التريند على السوشيال ميديا، حيث أن الجمهور ظل يتسائل عن تفاصيل الأزمة.
والجدير بالذكر أن أزمة حمادة هلال وتامر حسنس بدأت منذ عام 2018، عندما طرح تامر أغنية “عيش بشوقك”، والتي كان من المقرر ان يغنيها حمادة هلال، ولكن بسبب انشغاله لفترة مع والدته نتيجة مرضها، تم اختيار تامر لغناء الأغنية، ومن وقتها لم يتعامل حمادة مع تامر.
ولكن حمادة هلال لم يذكر في يوم من الأيام أي شيء عن أومته مع تامر، لذا تفاجأ الجمهور من تصريحاته ليلة أمس في برنامج حبر سري.
ومن بعد عرض الحلقة، أصبحت أزمة حمادة هلال وتامر حسني حديث الساعة، فقد قال حمادة هلال خلال لقاءه ببرنامج “حبر سري”: “أغنية عيش بشوقك دي أغنيتي، وانا اشتغلت عليها لمدة 6 شهور، وتعبت فيها جدًا والملحن والمؤلف عارفين كويس، وانشغلت بمرض أمي الله يرحمها لمدة أسبوعين أو تلاتة.. ولقتلهم يلا يا جماعة انا جاهز عشان نعمل الأغنية، لكن فجأة لقيت الأغنية راحت في حتة تانية”.
وأضاف: “كلمتهم وقولتلهم يا جماعة دي غنوتي وبتاعتي، وده حقي وحرام، وانا كنت متعطل بسبب إن المؤلف والملحن قالوا احنا قاريين الفاتحة مع أحمد عادل الموزع وأنا قولتلهم ماشي واستنيته” وأحمد عطلنا وبعدها مبقاش موجود، وفجأة بعد 15 يوم قالي الأغنية نزلت، فقولتلهم هي الفاتحة بتمشي على احمد عادل ومبتمشيش عليا”.
وأردف: “فيه فرق بين كلمة تنازل وبين تنازل اللسان لأنه كبير اوي، واللي زعلني اكتر أني كلمت وقولتلو الـغنوة دي بتاعتي”.
واستطرد: “اللي زعلني اني كلمت تامر وقولتله الأغنية بتاعتي.. وكنت اقدر على فكرة أزعل اللي عملوها، وانزل الأغنية بصوتي علي السوشيال ميديا.. بس أنا قولت أنا ليه أعمل كده”.
وتابع: “الفترة دي مش هنساها لأن أمي الله يرحمها كانت حاسة بيا، لأن الغنوة دي كنت فرحان بيها وكنت شقيت عليها وبنتي كانت معايا”.
واستكمل: “وبعدها فضل الشيطان يوزني، وقعدت اقول طب انزل بيها، دي بتاعتي ومجهودي لكن قولت لأ ملهاش لازم”.
وواصل: “فضلت اقول يا رب انت اللي عالم وبعد ١٥ يوم كنت بزور مي كساب عشان اسلم عليها لأنها كانت تعبانة، وقابلت اوكا وقالي عندي غنوة ليك اسمها اشرب شاي .. واللي كان فيها خير كتير.. بسبب نجاحها وبقت أغنية وإعلان”.
وذكر: “مش زعلان علي الأغنية اللي سبتني.. انا زعلي كله على الطريقة اللي اتقالتلي بيها، انا لو كان حصل معايا نفس الموقف وحد جيه قالي الغنوة دي بتاعتي وتعبان فيها وامي كانت تعبانة فطبيعي اقولط طظ في 100 غنوة، وخدها دي بتاعتك”.
وأوضح السبب الرئيسي وراء أزمته مع تامر، قائلًا: “لكن متجيش تقول هو انت اخدت تنازل منهم، ومش عارف ايه، وهو القانون ورقة وقلم بينا، لأ القانون بتاعنا هو جدعنة الشغلانة”.
وصرح: “انا فيه حد مش هنساه حصل معاه نفس الموقف، والله العظيم الشخص ده كان مسافر وانا غنيت وبدأت في الأغنية، ورجع قالي الغنوة ديه انا كنت هغنيها، قولتلها يا حبيب الغنوة دي بتاعتك خلاص، لأني مش هاكل لقمة وهي رزق حد تاني”.
واختتم: “انا استعوضت وربنا عوضني.. وأقسم بالله مش فارق معايا الغنوة.. انا ربنا عوضني باغنية هتفضل طول العمر عايشة.. انا فارق معايا الأشخاص والزمالة”.