أكد الفنان حمادة هلال على أن أغنية “عيش بشوقك”، التي طحرها الفنان تامر حسنس منذ فترة وجيزة، كانت ملكه من البداية، مشيرًا إلى أن المؤلف والملحن اتفقا معه على غنائها قبل تامر.
وقال هلال خلال لقاءه ببرنامج “حبر سري”، الذي تقدمه الإعلامية أسماء إبراهيم عبر فضائية القاهرة والناس: “أغنية عيش بشوقك دي أغنيتي، وانا اشتغلت عليها لمدة 6 شهور، وتعبت فيها جدًا والملحن والمؤلف عارفين كويس، وانشغلت بمرض أمي الله يرحمها
لمدة أسبوعين أو تلاتة.. ولقتلهم يلا يا جماعة انا جاهز عشان نعمل الأغنية، لكن فجأة لقيت الأغنية راحت في حتة تانية”.
أزمة حمادة هلال وتامر حسني
وأضاف حمادة هلال: “كلمتهم وقولتلهم يا جماعة دي غنوتي وبتاعتي، وده حقي وحرام،وانا كنت متعطل بسبب إن المؤلف والملحن قالوا احنا قاريين الفاتحة مع أحمد عادل الموزع وأنا قولتلهم ماشي واستنيته” وأحمد عطلنا وبعدها مبقاش موجود، وفجأة بعد 15 يوم قالي الأغنية نزلت، فقولتلهم هي الفاتحة بتمشي على احمد عادل ومبتمشيش عليا”.
وأردف: “فيه فرق بين كلمة تنازل وبين تنازل اللسان لأنه كبير اوي، واللي زعلني اكتر أني كلمت وقولتلو الـغنوة دي بتاعتي”.
واستطرد: “اللي زعلني اني كلمت تامر وقولتله الأغنية بتاعتي.. وكنت اقدر على فكرة أزعل اللي عملوها، وانزل الأغنية بصوتي علي السوشيال ميديا.. بس أنا قولت أنا ليه أعمل كده”.