تحيط بنا تحديات كبيرة على جميع الأصعدة ونرى هناك تقدم هائل في كل المجالات العلمية والاقتصادية والثقافية .. تقدم في كل شيء.
هتكلم بـ العامية شويه علشان كلام الدكتور علي جمعة خنقني .. يا دكتور علي جمعة يا شيخ المشايخ يا جميل هو حضرتك دورت في كتبك و دولابك و مكتبتك مالقتش فتاوى أو أحاديث أو حتى قصص أطفال تحكيها للناس غير أبرهة و فيله .
طيب يا سيدي عرفنا خلاص ان أسمه محمود .. ها وبعدين ايه الاستفادة العظيمة اللي حلت على الأرض واستفاد منها الجميع المسلم والمسيحي واليهودي من عظمة التجلي والكرامات اللي وزعتها علينا من تفسيرك لـ فيل أبرهة وتقولنا أسمه محمود .. يا سلام على الفكاكة وبئر المفهومية والعلم اللي نور شوارعنا .
يا مولانا مش كدا والله .. احنا مش ناقصين حد يلعب في دماغنا كفاية عندنا 11 لاعب وحارس المرمى وكلهم بيجروا ورا بعض لحد ما قلبوا دماغنا في كل حاجة .
يا مولانا .. أشرح وقولنا إزاي نتقدم .. إزاي نستفيد من القرآن والسنة في حياتنا الحديثة .. إزاي نستفيد من الثورات التكنولوجية في الدول المتقدمة .
بالله عليك يا شيخنا بلاش الكلام اللي بيوجع البطن ويقلب المواجع .. الناس مش ناقصة بلاوي
فيل أبرهة قال أسمه محمود .. و أنا مالي حتى يكون أسمه حنظلة