نمى الفنان أحمد الرافعي بعد ظهوره في مسلسل الاختيار، بجميع اجزاؤه الثلاث حيث كان قد قدم دور مفتي جماعة أنصار بيت المقدس، وحظى دوره على إعجاب الكثير منذ الوهلة الاولى من ظهوره، وأشاد بـ أداءه العديد من نجوم الفن.
وأجرى موقع “أوان مصر”، حوار مع الفنان أحمد الرافعي، ليتحدث به عن بداية مسيرته الفنية، وكواليس مشاركته في الاختيار ، وأي الشخصيات الذي يحب تجسيدها.
وجاء نص الحوار كالتالي:-
-كلمنا عن بداية مسيرتك الفنية؟.. ونشأتك؟
البداية تعتبر من المسرح الجامعي من اول ما دخلت المسرح الجامعي ده كان مدخل الي أنا من خلاله اخذت قرار انه ده يبقى مجالي انه انا هسيب الكلية و هتشتغل الشغلانة دي وده كانت بدايتي من مسرح الجامعه مش عارف انت تقصد نشأتي يعني الشخصيه ولا ازي أنا زي معظم المصريين أبناء مواليد الثمانينيات نشأت في بيت الاب محاسب وأم مهندسة مدني أب يعمل في القطاع العام وام تعمل بوزارة الصناعة أب وأم مواطفيين حكومة نشأت كما أنشأ كل المصريين يعني على الصدر الحمد لله رب العالمين.
-كلمنا عن شعورك وأنت بداية ظهورك على الساحة كانت بعد عمل وطني كبير وهو الاختيار؟
الحمد لله انه ربنا اختار انه الناس تعرفني من خلال عمل زي الاختيار وأن يكون اسمي مقرون به الحمد لله رب العالمين باحمد ربنا عليها يعني اني بتاع الاختيار، يعني حاجات كثير حلوه جدا حصلت لي في حياتي بالتزامن مع أو عقب مشاركتي في مسلسل الاختيار قوي يعني اثناء مشاركتي خصوصا الاختيار تفاصيل كثيرة جدا اثناء او بعده كانت احلام يعني على رأسهم التكريم من رئيس الجمهوريه كنت بحلم بيها من وأنا بدرس في المعهد يعني انه الفنان يجتهد يعمل ويشتغل الى ان يكرم من رئيس دولته دي لما كنت بشوفها في يعني اولاد سابقون مع فنانين لما اشوف الرئيس السادات وهو يكرم مثلا فنانين او كده كنت أغبطهم جدا وكنت بتمنى انه انا كمان لما اشتغل يكرمني الأب الكبير الرئيس يكرم فنان البلد.
-ايهما أقرب لقلب أحمد الرافعي الأعمال الدرامية ام السينمائية؟
الأعمال الصالحة للاستهلاك الآدمي والغير ضاره بصحة الانسان النفسية أو العقلية أو الروحية سواء اذا كانت درامية سينمائية ومسرحية اذاعيه ايا كانت بالنسبه لي ما يعني مش بتفرق قوي لكن مش لكن ولا حاجه لا هي كل واحده فيهم لها ميزتها لو خيرتني بين الدراما والسينما لا الاقرب الى قلبى المسرح لكن انا بالنسبه لي بمجرد ما دخلت في البلاتوه قدام كاميرا خلاص يعني تمام الدراما لها ملاذ يعني في التعامل معه يعني في طلاق الناس ليها والسينما طبعا ذاكره ذاكره الامم يعني وذاكرة الشعوب يعني كل واحده فيهم فيها حاجه
-هل لو تم حصرك في الأعمال اللغة العربية الفصحى والأعمال التاريخية هيأثر عليك؟
نتمنى يكون في أعمال بلغة عربية فصحى أنا وبعد كده نبقى نحصر فيها يعني لما نروح فيها نبقى نتكلم لكن ما فيش، هيأثر عليك هياثر بالايجاب لو لو لم اقدم للناس الا اعمال اللغه العربيه الفصحى والعمال التاريخيه هاكون في منتهى السعاده يا سلام دي حاجه حلوه جدا يعني بنثبت للناس هويتهم وبنعزز لسانهم وبندافع عن شخصيتنا وهويتنا عن طريق اللغه عن طريق أهم حاجة سيبها من تفاصيل او ركن من اركان القوه الناعمه في ظل الزمن اللي احنا بنعيشه والصراع الجديد اللي بقى مفروض عليه في الزمن ده القوه الناعمه فلغتنا دي سلاح مهم جدا فيه غياب العمل الدرامي المصري اللي باللغه الفصيحه ده خطر جدا ان شاء الله يتم الالتفات لهذا الخطر في الاونه القريبه وتعود الاعمال الفصيحه ثاني ويتم دعم وانتقاء الكفاءات القادره على تقديمها عشان ما تقدمش في الصوره فضيحه زي ما كان ممكن يحصل في القريب او يعني ما تقدمش في الصوره التي لا تليق بينا زي بعض الأعمال يعني يبقى يعني تمت محاوله تقديمها وما نجحتش نتمنى ثاني انها ترجع وساعتها هانتظر منك بقى السؤال بتاع ماذا لو تم حظرك ساعتها هاجاوبك واقول لك هاكون في منتهى السعاده ده ساعتها يبقى معناها انه الجهات المنتجه المنتجه اصبح لديها من الواعي انها تقول ايه ده الراجل ده شاطر هاتوه في اي بقى اي حاجه له عربيه تيجي لنا نادوا له ده لو ده حصل ده يبقى مؤشر طيب جدا هيكون سعيد جدا ساعتها بقى ايه هابقى افكر انه اقبل ارفض ولا انتقي منهم ايه ولا اسيب ايه بس هبقى سعيد لو لو اتناديت في كل حاجه لغه عربيه.
-هل تخاف من حصرك في أدوار الشر؟.. واتهام العديد لك بالتشدد بعد ظهورك باللحية في الاختيار؟
أخاف من حصري في ادوار الشر ان شاء الله ربنا يعني هيبعث لي الدور الانسب في الوقت الانسب دائما وانا كنت جاوبت على اسئله شبه كده في الموسمين اللي فاتوا باني مدرك انه الطيبه يوجدها كل احد الشر لا ما يقدرش عليه الا الممثلين اللي يعني الكويسين يعني الشطار اي ممثل شاطر بيقعد فتره ياخذ في وشه الورشه زي ما حصل مع زميلي يعبد عناني لحد النهارده بيقدم شرير زي ما حصل مع خالد الصاوي اول ما ظهر زي ما حصل مع خالد صالح او المظهر زي ما حصل مع خالد كمان زي ما حصل مع محمد ممدوح تايسون دايما كده هتلاقي الممثلين اللي بيتقال عليهم ان هم شطار القائمين على الاعمال بيدوروا على حد يقوم بتاديه ادوار الشر بيبقوا الناس دي اللي في المقام الاول في الترشيح لانه الادوار دي بتحتاج الطيبه او الخير بسيط الشر مركب معقد فالتعقيد بتاع صنعته ده بيبقى عايز ايه يعني ممثلين شطار شويه وبالتالي كل ندى بيتنادي علي عشان دور شر بيحمل في طياته شهاده ضمنيه ان انا متقن او شاطر والحمد والفضل لله وبالتالي لما بيحصل ما بتضايقش خالص بالعكس الفكره ايه الورق ايه الحدوته دي عامله ازاي نافعه ولا ضره حلوه ولا وحشه ايه ظروف اللي عمل ايه كده يعني.
ما قولك في اتهام البعض لك بالتشدد بعد ظهورك باللحية في الاختيار؟
والتهامي العديد لك بالتشدد بعد ظهورك باللحية ده ده شيء غريب لأنه طب معنى ذلك ان انا لو لو ظهرت في مسلسل بعمل دور مثلا احد ابله فالناس هتتهمني بالبلاهة او لو ظهرت في مسلسل زي نادي الخلعي ده بقتل بقى الناس وباخطفهم وكده فالناس كانت هتتهمني بالاجرام لا هو انا كنت باعمل شخصيه موجوده في التاريخ شخصية لها رفرنس الشخصيه دي شخصية متطرفة ومن ملامحها ومن صفاتها انها لها لحية وشخصيه دي تحديدا هي اللي لها لحيه مش كل الشخصيات اللي لها لحية متطرفة الفنان أحمد أمين اول ما عرفناه كان بلحية وبنشوفه في معظم الأدوار بلحية.. وبنشوف شيخ الأزهر دائما بلحية وبنشوف مفتي الجمهورية بلحية ودائما بنشوف الشيخ أسامة الازهري مستشار رئيس الجمهورية للشؤون الدينية بلحيه في نفس الوقت اللي بنشوف فيه دكتور البلتاجي اللي متهم في عدد من القضايا تؤديه الي حبل المشنقه من غير لحية وبنشوف هشام العشماوي اللي أفرض عنه في مسلسل كامل قاعد طول فتره فتره قعد فتره مش قليله من غير لحية وأمثلة مندي كثير بقى هنقعد نضربها مش يعني ممكن اقعد أؤدي لك اسماء كثيره جدا قابلناهم في السنة بتاعه من 2012 ل 2013 متطرفين حقيقيين ومارسوا التطرف والإجرام وممارسة فعلية وحملوا السلاح على اهاليهم وقتلوا عذاب وخانه وتآمروا وكانوا متطرفين وكانوا من غير لوحه يعني ماتصورش في ربط بين الاتنين والربط ده مش صح خالص وربط مضلل.
-اصعب المشاهد اللي قابلتك في الاختيار؟
أصعب المشاهد لم تقبلني لا في الاختيار ولا في غيره معنديش اصعب مشاهد كلوا بتيسير ربنا بيتيرس الحمد لله.
– اي هي الشخصية التاريخية اللي تتمنى تجسدها؟
الشخصية التاريخية التي اتمنى جسدها حزمة من الشخصيات اتمني اقدمها ابراهيم الرفاعي ،سمير الاسكندراني ، الفضيل بن عياض ، وبشر الحافي ، أبو الحسن الشاذلي ، الامام الشافعي ، الامام الغزالي ، صقر قريش.