حل الفنان عصام كاريكا ضيفا على برنامج “معكم” تقديم الإعلامية منى الشاذلي، والمذاع علي شاشة قناة ON، في لقاء كشف خلاله الكثير من الأسرار عن مسيرته الفنية، وتحدث عن كواليس أغنية “أول ما عرفت إنك” التي غناها الفنان محمد سعد ضمن أحداث فيلم بوحة للفنانة مي عز الدين.
أبرز تصريحات عصام كاريكا
وتستعرض لكم في موقع “أوان مصر” أبرز تصريحات عصام كاريكا التلفزيونية:
- عمري ما لبست بدلة إلا في فيلم عايز حقي.. وفي فرح بنتي كانت تاني مرة وكنت متكتف بسبب البدلة الرسمية.
- فيلم اللمبي لما أتعرض كثير من المثقفين هاجموني وقالوا عصام كاريكا بهدل الأغنية وإزاي يشوه أغنية أم كلثوم.
- محمد سعد زعل ومشي وكلمت المنتج أشرحله الوضع، قالي مشي الفيلم عشان خاطري.. وغيرنا كلمات الأغنية ونجحت.
- فكرة أغنية البسكلتة لمحمد سعد وعبلة كامل بتاعتي، والشاعر الغنائي هو اللي كتبها.
- زعلت من نفسي لما قدمت أغنية حب إيه بفيلم اللمبي ولو رجع بيا الزمن هرفض.
- متعاملش أنا ومحمد سعد من وقت أغنية أول ما عرفت إنك في فيلم بوحة، عشان طلب يغير كلمات الأغنية، وأنا قولتله يا عم مينفعش.
- أنا عملت كتير والناس فاكراني بـ شنكوتي بس.
أعمال عصام كاريكا
والجدير بالذكر أن، شارك عصام كاريكا بالأغنية الخاصة لفيلم الإسكندراني، حيث قال في تصريح لـه: عملت أغنية حلوة في الفيلم اسمها أنا الفيلم اللي مات بطله، الغنوة بإذن الله دراما، ويارب تعجبكم، ومبسوط إني في فيلم زي الإسكندراني، أستاذ خالد يوسف شخص عبقري وتشرفت بالعمل معه.