حل الفنان أحمد عزمي ضيفًا ببرنامج “كلام الناس”، الذي تقدمه الاعلامية ياسمين عز، عبر فضائية mbc، وذلك ليتحدث عن بعض الأسرار في حياته الشخصية.
وحصد لكم موقع “أوان مصر”، في السطور التالية أبرز تصريحات أحمد عزمي بعد خروجه من السجن.
أبرز تصريحات أحمد عزمي بعد خروجه من السجن
– بعاني من الاكتئاب بسبب قتل أخويا.
– اتمسكت في شرم الشيخ وكان معايا أقراص مخدرة، وبنت مسجلة.
– بقيت مكسوف من الناس، لأنهم اخدوا فكرة وحشة عني بعد دخولي السجن.
– في منتجة اهانتني وعرضت عليا أجر غير مناسب وقالتلي احنا جايبينك عشان نرجعك للساحة تاني.
– نفسي أرجع للفن اختبروني لاني استحق.
– حاولت الانتحار عشان مش عارف أصرف على ابني ومش عايز أكون وصمة عار ليه.
– والدتي ماتت من الزعل عليا لأني كنت مدمن بس اللي مطمني أنها راضية عني.
أبرز تصريحات أحمد عزمي بعد خروجه من السجن
من جانيه كشف الفنان أحمد عزمي سر ابتعاده عن الوسط الفني، مشيرًا إلى أنه بعد ثورة 25 يناير أصبحت البلاد في فوضى كبيرة، ويعاني من الأكتئاب إلى الأن بسبب قتل شقيقة.
وذكر أحمد عزمي : بعد ثورة يناير البلد كانت في فوضى كبيرة وعربيتي أتسرقت أكتر من مرة، ودا خلاني مبقتش قادر أواجه العالم.
وواصل: أخويا أتقتل وكانت حادثة بشعة وأخد أكتر من 13 طعنة في خناقة، وفجأة حسيت أن مصر مش بتاعتي وانتقلت إلى شرم الشيخ، وفقدان التوزان في حياتي بدأ يزيد وبدأت أبعد عن كل حاجة وأتكون حواليا مجموعة من الأشخاص ودخلت دوامة الكحول وهو بداية لأي مفسدة وبتفتح سكك أخرى.
وأضاف: معاناتي مع الاكتئاب، وحدثت حادثة في شرم الشيخ وكان معايا ناس في عربيتي ولجنة وقفتنا وأنا كنت باخد أقراص مخدرة بروشتة والموقف مكنش كويس وكان معانا بنت مسجلة، والموضوع كبر وبقيت مكسوف من نفسي واتحبست 6 أشهر.