كشفت الفنانة يسرا عن كواليس اقناع زوجها خالد سليم بالتمثيل معها في مسلسل حرب أهلية.
وصرحت خلال لقائها مع الإعلامية منى الشاذلي ببرنامج معكم الذي يعرض عبر قناة “سي بي سي” يومي الخميس والجمعة في تمام الساعة 9 مساءً قائلة: اتخانق معايا وزعق وقالي انتي مش قولتيلي شوت واحد انتي ليه فيا كدة”، مازحة “بس انا ضحكت عليه”.
وتابعت قائلة: “إيناس الدغيدي كانت عايزاه في فيلم دانتلا شوفي من كام سنة من سنة 1993 وكان هيبقى مكان محمود حميدة وقالي انتي مجنونة انا مش بمثل ولا همثل خالص”.
وأوضحت قائلة: “كنا بنتغدا في يوم قولتله بص يا خالد انا هطلب منك طلب وانا عارفة انك هترفض بس انا مزنوقة فيك جدا مزنوقة زنقة مش قادرة احكيلك عاملة ازاي قالي في اية قولتله انت لو مطلعتش معايا في اخر المسلسل انا هدمر مينفعش واحد يجي يضحك عليا وشاب صغير وحلو ويمشي كده وازاي ابقى متجوزة واحد مش طايقاه مع انه استاذ عظيم”.
وتابعت قائلة: “قولتله انا عايزة حد اعرف احبه قالي ماتجيبي حد تاني قولتله لا انا عايزاك انت روحت قولتله بليز الحقني الحقني ده انت هتطلع معايا كده في شوت واحد وباي باي”
واستكملت قائلة: “والكل اتصدم ازاي اقنعته وقالولي اقنعتيه ازاي ده انتي عملتيله عمل وشوت مع شوت جر 5 مشاهد ومكنتش متخيلة انه هيوافق والميزة ان الشخصية المكتوبة كانت شبهه اوي وهو في الحقيقة كده مش بيقتحم خصوصياتي خالص انا لو قعدة في الاوضة لوحدي بيخبط عليا قبل ما يدخل” لترد عليها منى الشاذلي مازحة “تربية حتشيبسوت”.
وأضافت: “وكان حابب الناس اللي معانا جدا وحب مايان وجميلة واحمد عادل واروى لافتة نو واي امثل تاني انا قدمت ده بس عشانك انتي وانا مش همثل تاني ولا عايز امثل تاني”.
اقرأ أيضاً..
يسرا تروي كواليس إصابتها بـ كورونا: «كان هُدر جامد.. وكنت بصور عند أبلة فاهيتا» (فيديو)