روى النجم يحيى الفخراني، تفاصيل أول مقابلة له مع الفنانة فاتن حمامة، أثناء تصوير فيلم “أرض الأحلام”، الذي شارك ضمن فريق تمثيله.
وقال الفخراني خلال حواره مع الإعلامية إسعاد يونس، ببرنامجها “صاحبة السعادة”: “فاتن حمام هي اللي اختارتني عشان اشارك معاها في الفيلم، ووقتها قالتلي انها شيفاني عنصر مهم وهيضيف للفيلم، وانا كنت مققر وقتها اني مشتركش في افلام تاني عشان كنت طالع من تجربة وحشة، لكن طبعًا لما لقيت فاتن اختارتني وافقت”.
وأضاف: “اول يوم في التصوير روحت بدري، فانا فاكر اني اول واد، فدخلت لقتهم بيقولولي استاذة فاتن عاوزاك في الكارفان، فروحت قابلتها وكانو عايزني اعمل مكياج وانا كنت رافض، لكن لما شوفتها وكانت اول مرة اقابلها فيها، وقتها وافقت اني اعمل مكياج عشان فرق العمر الكبير ده ميبنش لاني الدور مفروض اني اعاكسها فلو كنت عاكستها وانا صغير هتبقى قلة ادب لكن وانا كبير الموضوع متقبل شوية”.
واستطرد: “تحس ان فاتن حمامة ست هاوية الفن وبتشتغل بحب وتفاني”.
يحيى الفخراني يكشف سبب اعتذاره عن فيلم “المصير” للمخرج يوسف شاهين
أكد النجم يحيى الفخراني، على أنه كان من المفترض أن يشارك ضمن أبطال فيلم “المصير”، للمخرج يوسف شاهين، ولكنه رفض العمل.
وكشف الفخراني سبب اعتذاره عن المشاركة في الفيلم خلال لقاءه ببرنامج “صاحبة السعادة”، للإعلامية إسعاد يونس، قائلًا: “المفروض اني كنت هشارك في فيلم المصير، بعد ما رشحني خالد يوسف ليوسف شاهين، فطلب يوسف مقابلتي وقالي إن الدور محدش هيعرف يقدمه غيرك انت، وطلب مني قراءة السيناريو، وبعدما قريت قولتله إن الفيلم كويس ولكن الحوار يحتاج لبعض التعديل لأنه فيه لقطات أجنبية شوية، ووقتها وافق يوسف شاهين وقالي تمام، ووقتها كنت في الإسكندرية وطلب منيأني ارجع على مكتبه، ورجعت فعلًا عشان نوقع العقد”.
وأردف: “ولكن اشترطت عليه أن يكون اسمي الأول في الأفيش، وقتها وافق ولكن بشرط أني اقلل أجري، ووقتها اضايقت لأني حسيت أني ببيع اسمي، فطلبت منه مهلة للتفكير واعتذرت عن العمل”.