وجهت الإعلامية ياسمين عز نصيحة للفتيات في مرحلة الخطوبة والزوجات من خطورة الكشف عن تفاصيل العلاقة مع الخطيب أو الزوج للصديقة المقربة، وذلك خلال برنامجها «كلام الناس» الذي يتم عرضه عبر شاشة قناة MBC مصر.
قالت ياسمين عز: ” إنها واجهت انتقادات لتحذيرها السابق من ذلك الأمر قبل أيام، لكن المعترضات اتفقن معها بعد انشغال مواقع التواصل الاجتماعي بالحديث عن واقعة الصديقة التي خطفت زوج صديقتها.
وتابعت: “الست خطفت جوز صاحبتها، ومن جبروتها منزلة صورهم مع بعض في فرحها على جوز صاحبتها، وكاتبة أخيرا اتحقق حلم اتأخر 10 سنين”.
وأضافت: “ممكن صاحبة تحاول 10 سنين تخطف جوز صاحبتها، والمسكينة عمالة تقول لها أسرار البيت وجوزها بيحب وبيكره إيه، عشان تاخده على الجاهز. صاحبتك دي في أي خناقة بينك وبين جوزك أول واحدة تقويكي عليه بدل ما تهديكي عشان تحتوي الموقف”.
قدمت ياسمين عز نصيحة للسيدات لتجنب الوقوع في هذا الموقف، حيث قالت: “صاحبتي على عيني وراسي في كل حاجة إلا جوزي، التفاصيل تخصك إنت وجوزك مينفعش حد تاني يعرفها”.
وأردفت: “بعد ما صاحبتك تخطف فرعونك متقوليش كانت طول عمرها فاسدة، لما هي فاسدة ليه كانت صاحبتك من زمان. إمسكي جوزك فرعونك بإيديك، واعرفي إنه لو إتساب مش هيتجاب”.