تحدث وليد سليمان لاعب الفريق الأول لكرة القدم بالنادي الأهلي، عن قرار اعتزاله كرة القدم بنهاية الموسم الجاري، وعن حبه للمارد الأحمر وقميصه.
وأكد الحاوي خلال تواجده في قناة أبو ظبي الرياضية، على أنه فضل الاعتزال في هذا التوقيت وذلك بعدما تحدث مع أشخاص محل ثقة بالنسبة له.
اعتزال وليد سليمان
وقال لاعب الأهلي ” أول ما روحت الأهلي كان فيه ثوابت غيرت تفكيري، وقبل ما أروح الأهلي روحت منتخب مصر وأخدت أفضل لاعب في مصر، لكن لما روحت النادي قعدت مع المسئولين وقالولي إن رصيدي زيرو من البطولات، ودي كانت بدايتي داخل النادي واللي غيرت تفكيري، وخلتني عايزة أقدم نفسي”.
وأضاف “شوفت لاعيبة كبيرة داخل النادي وهيا بتموت نفسها في التدريب، وهما كده كده صنعوا التاريخ والبطولات، فقولت لازم أكون زيهم ولازم اتحمل المسئولية، عشان كده الثوابت دي اللي غيرت تفكيري، وخلتني عايزة أعمل تاريخ زي الناس دي”.
وأكمل ” موضوع الاعتزال كان في دماغي من فترة، وكلمت ناس محل ثقة بالنسبة لي منهم كابتن الخطيب، تريكة ومتعب، وعرفتهم أنه مينفعش إني ألبس قميص تاني غير الأهلي، وجالي عروض قبل كأس العالم إني ألعب سنه ونص أو سنتين، لكني رفضت وقفلت الباب وقولتهم إني مش هينفع ألعب في حتة تانية غير الأهلي، وده كان التوقيت المناسب بالنسبة لي إني أعلن اعتزالي”.
وأردف ” روحت واتكلمت مع الخطيب كأب بالنسبة لي وأخدت رأيه في اعتزالي، لكنه قالي مش وقته، لكن الموضوع يرجع لك لو انت قادر خليك، لكن مش قادر بطل لكن في التوقيت المناسب”.
وأتم ” الخطيب قالي إنت كبير ولازم نعملك حاجة كبيرة، فقالي استنى بعد كأس العالم للأندية، وده كان الوقت المناسب بعد تتويجنا بالبرونزية”.